يا حضرة الباشه
 

السلام عليكم ورحمة الله وبركاته




..


..



ثورة هجوس وحركة مجمع الجاش ^^ وصار الفكر ما بين حب وحبيبه

أرسلي المزيون قبل امس مطراش ^^ عبر الرسايل يعتذر عن مغيبه

أرسلتله مسموح والعذر ببلاش ^^ عقب البطى وش فاد عذرك تجيبه

لو ناش عذرك غاية أرضاي ما ناش ^^ تبقا جروحك في خفوقي عطيبه

ما عاش حبك داخل القلب ما عاش ^^ لو عاش يحرقه العنا والغليبه

يالله عسا سحباً بها امطار وارشاش ^^ يطفيك يا قلبي ويطفي لهيبه

قصة غرامن عودتنا على ماش ^^ يوهمني ان الحب دين وضريبه

ينقص غلايه ثم ارد الغلا كاش ^^ والمشكله ان الربح في وسط جيبه

يرضى يراضين وثم يبطش ابطاش ^^ يضحك يجاملني وهذي مصيبه

يا نعنبو حباً يحكمني على الطاش ^^ بين الرجا والياس قاعد نصيبه

من كثر تفكيري غدى راسي الشاش ^^ شاب العقل يا هيه مليون شيبه

يا ليت في صدري ضو رمي منقاش ^^ وأموت وأكف الاذاء والطليبه

ولا عساك الموت في طلقة أكلاش ^^ وأرتاح من كثر التعب والغليبه

ما أقول انا الدعوه تعود على هواش ^^ أختار في وحده ولا هي غريبه

أن عشت يالله ما يحوشك بلا لاش ^^ من يرجي الله داعياً يستجيبه

وأن عشت يبقى في خيالي ضو فلاش ^^ صورتك في وسط الحشى مصتصيبه

هذا قصيد الوقت قلته على الماش ^^ قصة غراماً بين حب وحبيبه

يا حضرة الباشه على الهون يا باش ^^ حبكــ ترا ما فيه شكاً وريبه





وسلامتكم . . الشاعر فهد الطوير

قصة غرامن عودتنا على ماش ^^ يوهمني ان الحب دين وضريبه

ينقص غلايه ثم ارد الغلا كاش ^^ والمشكله ان الربح في وسط جيبه

يرضى يراضين وثم يبطش ابطاش ^^ يضحك يجاملني وهذي مصيبه





صح السانك يا فهد

يا سلام علااك يالطويري ..


صح الله السانك .. والله لا يهينك ..

صح لسانك فهد الطوير

الله الله

صح لساانكـ

على القصيده رووعه

صـــــــــــــــــــــــــــــــــــــــــــــــــ ـح الســــــــــــــــــانــــك

فهد الطوير

مبدع وممتع بكل حالاتك

صح منطوقك

احترامي

لا هنتو جميع وهذا شرف لي بـأنكم تابعتوني