|
لاحد يروح لأسواق العثيم مول تحذير
السلام عليكم
هذي قصة واحد راح يتسوق بأسواق العثيم مول وماحدث له يجهل الجاهل على جهل الجهـول ويتحمل من جهل جهـل الجهـال لا سقا الله ساعة بالعثيـم مـول رحت اودي حرمتي عقب الـزوال واختبرت القلب في ساعة فضـول كنت اظنه راسيـن مثـل الجبـال مادريت انه على الفلـس محبـول وقيـده اللـي مايـرده والعقـال جيت سوقن جامعن من كـل زول الكـداري والقمـاري والـغـزال قمت اطالع واتمشـى فـي ذهـول واتلفت من يميـن ومـن شمـال وارتبشت وطحت في باب الدخول طحت مابين المحاسـب والسـلال والسبب من داعج العيـن البتـول فوق رمشه حاجبـه كنـه اهـلال سيف خشمه والوجن وردن ذبـول ومن ورا الشيله لخديـه اشتعـال والثنايا فـي تبسمهـا الخجـول ساطعاتـن سابحاتـن بـالـزلال وعنقها مفهوق والكتـف مهـدول والمشي مشي الرزينـات الثقـال والخصر ملهوف والردف معـزول يابو نايف كنهـا بعـض الـدلال وصدرها مزموم والجيب محلـول وان مشت جاني من الهز اختـلال والردايف لامشـت شـي يهـول من تحت ثوبه غدا لهـن اجتـوال كـن ردفـه بالطلـوع وبالنـزول لامشت يعطي دروسـن للضـلال او يحرج من يسوم وكـم نقـول او بروقن مرهشاتـن فـي خيـال وشفت شين بس مـاودي اقـول وشفت شين غيـر هـذا مايقـال اشهد انه سجلـت بالقلـب قـول وكبرين بالكبد من تحت الطحـال تلعب الفتبول وايضا الهارت بـول مايجاريهـا النصـر وإلا الهـلال وارسل الشيطان من عنده رسـول امتخصص فـي علـوم الانحـلال قـال يالله قـم تحـرك ياكسـول ماتلاقـي غيرهـا فـي هالكمـال وجيتها خايف ولا ادري ويش اقول واستحت هي وابعدت بنت الحـلال وجيت اكلمها وإ يلا تقل إمغيـول وراح صوتي وصار بالعين احولال واتشجع قلـت يابنـت إمعقـول ؟ كل هذا فيك مـن زيـن وجمـال قالت ابعد قلـت ماشيـن يحـول بيننا واللـي تبيـن بـلا سـؤال قالت اسمع مانت جاهل بالاصـول ضف وجهك لافضحك بين الرجـال قلت يالله بـس هرجـك لايطـول وادفع فلوس المقاضـي بالريـال بالمرق وجهي مع الناس مغسـول ماستحى قالت اجـل قـرب تعـال واخطفت قوطي من الادراج فـول المدمس العريـض مـن الطـوال وصكتن به صكت القـرم الكتـول وشقت الجبهه ودم الـراس سـال ثم قامت تضربـن باللـي تطـول وافزعت معهـا علـي ام العيـال وافزعن كل الحريـم بـدون قـول يضربنـن بالقواطـي والـحـلال وبالمكانس والصواني والسطـول والعجايـز يفزعـن لـو بالتفـال اخلطني خلـط عجـان إمعمـول واضربني ضرب قـوات احتـلال واطلعوني سحب مانيب إمحمـول ساعتن بالشمس مانـي بالظـلال الشعر منحاس والوجـه إمعفـول والثيـاب امقطعاتـن والنـعـال كني اللـي آكلـن كيلـو هلـول ريحتـن ماهيـب حتـى بالخيـال وعقب هذا صرت اذل من الذلـول تركبـن ام العيـال بـلا إحـبـال وكل يومن تركبن مثـل الرحـول مشيتـي سيـده ولا فيهـا ميـال وقالت اركب واعتمر بي يالبطـول واسأل الله يغفـر إذنوبـن إثقـال وبالمطاف الناس يطافـون حـول بيت رب البيـت ربـي ذا الجـلال إلا انا مـن بدهـم تقـل إمهبـول ما أطوف امشي من الذلـه عـدال ودق قلبي مثـل دقـات الطبـول لا حكوا بالسوق او جا له مجـال |
الله الله الله عليك يا بعيد الهقاوي
طاب منقولك وش هالرائعة صح لسان قايلها |
هههههههههههههههههههههههههههههههههههههههههه كفوه والله يصير فيه كذا طبت وطاب منقولك يابعيد الهقاوي دمت كما تحب |
حياك الله وشرفني مرورك |
شكرا لمرورك المشرف |
ودق قلبي مثـل دقـات الطبـول
لا حكوا بالسوق او جا له مجـال صح لسان الشاعر ويا بعيد الهقاوي أبدعت ....... تقبل تحياتي |
صح لسان الشاعر
ونريد من قصيدك انت دائما مبدع |
بعيد الهقاوي طاب منقولك
احسنت الاختيار وبيض الله وجهك بس عندي سؤال اسواق العثيم مول وين صايره هذي تقبل تحياتي اخوك الملعبي |
شكرا لمرورك حياك الله |
ياهلا والله باخوي خالد ان شاءالله اعدك فيما طلبت وشكرا لمرورك. |
| الساعة الآن 08:06 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
