|
الفارس / غنيم بن شبلان الجبلي (( خيال علوى ))
سنتكلم اليوم عن فارس من فرسان مطير الذين لا يشق لهم غبار إنه فارس عظيم لقب بـ( خيال علوى ) إنه الفارس : غنيم بن شبلان وهو من شيوخ (اليحيا) من (الجبلان) من (علوى) فارس وخيال تشهد له جميع القبائل وبانت فروسيته في عمر مبكر ، ما يقارب ( 18 ) سنه لقب بـ( خيال علوى ) في مناخ بالصمان بين قبيلة مطير وعنزة حيث أن فريس وخيالة (علوى) إجتمعوا ليشربوا فنجال غدير الموت وكان الفارس والخيال الصغير في سنه وكبير في عقله وحنكته (غنيم بن شبلان) هو من شرب الفنجال
برجس غدير الموت قفـا ولاعـاد=من ضرب علوى شد وأنزل عموده أوما عليه غنيـم وأقفـا باالاسنـاد=أقفت به السعفاء تقـارش فـروده وايضا قيلت به هاذه الابيات :
فرخ على أول هدته قطع الدس=طير وبكره يطلع مطاليع قرناس غنيم بن شبلان ماهـو بمنـدس=خيال علوى يوم الارياق يبـاس وعندما صاحت الدحمليه مطالبه بالثأر تشجع فرسان مطير لا سيما غنيم ابن شبلان فقد رماه ابن حشيفان بالشلفا فأستقبلها غنيم برجله وقايه للفرس ثم استوى على جواده فلحق بإبن حشيفان واصابه وقال عجير ابن طلمس وهو من رفقة مطير وكان حاضر ذلك اليوم :
يا راكبٍ حر دله بالخاضيـر =متيهٍ كـل الشتـا مـع ربيعـه يسرح على تقليطة الحوض للبير =والعصر بين منيصفه والوريعه تلقى بيوت مدهل للخطاطيـر =يا حيـف لـولا للنزايـل مطيعـه ناصر لفانا صايلن بالمظاهير =يقول من علـوى علينـا هزيعـه جونا وجيناهم وسقنا المغاتير=سوق الجلايب يم سـوق المبيعـه هجن وصفينا عليهـن طوابيـر=ورد بنـا ورد القطـا للشريعة حنا نبيع الـروح دون الغناديـر=بعنـاه بيعـة رمـة مستبيعـه جمع الجحادر قدم علوى طمارير=ما يسلمون الا مـن الله شفيعـه وغنيم قفا بالسبايا دعاثير =ووراط سـال مـن اشقـر الـدم ريعـه والله يا لولا نايفات الشناظير=ما عاد ينكس من يهـرج رضيعـه تغانموهن يابسين الحناجير=وغـدا لهـم عـن الاهـاوي منيعـه وبرز إسمه أيضاً في معركة دارت بين مطير وعتيبة يقول فيه الشاعر والفارس شليويح العطاوي عندما رأى أفعال غنيم بن شبلان هذه الأبيات : خيل وسط خيل وخيل تخايـر=وخيل مرزنها غنيم بن شبلان ياكنه اليا عرض بوجه الجراير=يعزل هذولا عن هذولا بقرعان ويقول أحد شعراء عتيبة عندما رأى أفعال الفارس غنيم بن شبلان في أحد المعارك التي كانت ضد عتيبة مير الخيل جاها بدر وغنيم بن شبلان=قفـة لهلهـا مـا تقـدي مواطيهـا
ويقول الشاعر الكبير محمد الخس في قصيدة من ديوانه ديوان البستان :
غنيم بن شبـلان مخلـن لـه سـروج=ليا صاح في تالي الرمك راحت امراج
والحديث عن هذا الفارس يطول وتقبلوا تحياتي |
الله يعطيك العافية يابن رشـيد على نقلك لنا لموضوع غنيم بن شبلان
مشكور وماتقصر والله يعطيك العافية |
ونعم والله ...
الله لا يهينك يابن رشيد على الطرح المميز .. الف شكر لك يابن رشيد .. ومنتظرين جديدك ..! |
الله يعطيك العافية يا بو مساعد على الموضوع الجميل .
ونعم بشرابة الهوا [img] ــــــــــــــــــــــــــــــــــــــــــــــــ |
يعطيك العافيه يا خالد على الموضوع المميز
عن ( خيال علوى ) .. |
أنشهد انه يطول الله يرحمه ويرحم جميع أموات المسلمين
غنيم بن شبلان . . فارس عظيم . . وخيال علوى . . واعظم فريس علوى . . لاهنت ياخالد الرشيد دام تواجد قلمك هناا |
لاهنت ياخالد الرشيد على نقلك لنا سيرة خيال علوى. .
غنيم بن شبلان (الله يرحمه). . . يعطيك الف عافيه يابو مساعد. . . |
مشكور يابو مساعد والكلام ايطول في هذا الفارس الفذ
|
مشكوور ياخالد
ولايخفينا جميعا هذا الفارس وهو علم من اعلام مطير |
يعطيك العافيه ابن رشيد
غنيم بن شبلاان خيال علوئ مافيهاا شك ونعم تقبل تحياتي |
السلام عليكم ورحمة الله وبركاته
والله والسبعة انعام فبن شبلان كلهم نشامى وغنيم يقولون ماكان يطلع من معركه الا وللحيته تنقط من الدم عسى الله ايغفرله وموات المسلمين فمان الله |
لا هنت خالد الرشيد
غنيم بن شبلان خيال علوا |
غنيم بن شبلان (خيال علوا )
يعطيك العافيه ياخالد على هالقصه عن فارس من فرسان مطير المشهود لهم بالفروسيه والشجاعه ماقصرررت |
غنيم بن شبلان (خيال علوا )
يعطيك العافيه ياخالد على هالقصه عن فارس من فرسان مطير المشهود لهم بالفروسيه والشجاعه ماقصرررت |
لا هنت خالد الرشيد
ونعم غنيم بن شبلان خيال علوا |
وقال ايضا دعسان ابن حطاب
أبمدح الجبـلان يـوم الكتامـه=سدو .. مسد اللي حدر للزحامي ابوسعود غنيم فـوق العلامـه=خيالة المظهور من عصر عامي |
وقال فيه مانع المانع بن سويط/
تلفي لابن فراج من عقب نومـي=القرم ولد القرم قطاع الارمـاس ولياركب من فوق حمراء قحومي=فكاك ذوده يوم الارياق يباس |
وفال فيه ابن جفن العجمي
يا مل قلب من ضحى اليوم مستان=ومهيضه بالعـب راعـي ربابـه ومهيضه طلعت سهيل ليـا بـان=اللي علـى اديـار يـام غيابـه توي رجيت الحق في بنت ضبيان=من يوم شفت السيف جود نصابه الا ونعم ياغنيـم ابـن شبـلان=عسى الجنان الخضر للي نضابـه يستاهل البيضاء ليا باب نجـران=وفي سوق هجر يوم توقف جلابه وربعه مذبحت المواحيف جبـلان=فرسان ليا شبت ضوي الحرابـه يستاهلون المدح في كـل ديـوان=ذا حقهم متقصـدن مـن حكابـه لاجاء نهـار فـي عـج ودخـان=مركاضهم تعتـاش فيـه الذيابـه توي رجيت الحق في بنت ضبيان=من يوم شفت السيف جود نصابه
|
الرجاء اضافه الابيات بالبحث من المشرف له جزيل الشكر والتقدير
|
جـزاك الله خيـر علـى الـمـوضـوع ....
|
مشكور على الموضع الرائع
|
| الساعة الآن 03:18 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
