::منتدى الجبلان الرسمي:: - فهد بن مزيد بن جبرين الجبلي؟

فهد مزيد بن جبرين الجبلي

من اهل الجهراء بالكويت ومن اكبر شعراء مطير

من مواليد الصمان في اواخر العشرينا ت ميلادي

وعاصر كثير من الامراء والشيوخ الراحلين

وله رديات كثيرة مع فطاحلة الشعراء امثال محمد الخس وصحن بن قويعان والضمني يرحمه الله ومرشد البذال الرشيدي وغيرهم الكثير

هـــــــــــــــــــــــــاوي للقنص ولا زال يزاول تلك الهوايه متعه الله بالصحة والعافيه وطولة العمر..

هنا يسعدني ان اقدم لكم مقتطفات من ذلك الموروث الشعبي الذي يحق لنا ان نفتخر به

امل ان تستمتعوا بالابحار مع هذا الشموخ.

اولى القصائد

مل قلبن على مهيـاف مايرجهنـي كل ماشاف زولن زين نقض صوابه
شفت زولن نطحني ماوقف صد عني تل قلبي من المعلوق منـي غدابـه
لونضرني بعينه كـان ةالله قتلنـي مير من قدرت المعبود ربي سفابـه
بو عيونن هدبهن سـود مايكحلنـي كن عينه غديرن تو ماقفى سحابـه
كاملن بالجمال وكامـل بكـل فنـي واشقرن فوق ردف كاسياته اثيابـه
ولو تمنيت شين مايجـي بالتمنـي شبت العمر فاتت والجهل صك بابـه
وليت سود الليلـي للفتـى يمهلنـي مير كلن على ممشاه يطحن زهابـه

وللشاعر ابن جبرين الجبلي قصيدة في المقناص

اقبل هددكن يالحـرار القرانيـس وسهيل شافوه العـرب بالبطينـي
من عقب منتن بالمّربط محابيـس لابد من يومـن بكـن قانصينـي
لاجا من القاع الشمالي عواسيـس ثم طيّروا تطييـر بـدون قطينـي
كلن بطيـرة يحتـري للنواميـس واللي بطيرة طيـب لازم يبينـي
احدن كسب نوماس واحدن مفاليس والطيـب مايكمونـه الطيبيـنـي
واليا ركبنا مبعـدات المراميـس فوق الجموس اللي لهن محتسيني
ناخذ عليهن من طربنـا مراويـس احدن يقول يسار واحـدن يمينـي
وسقوا لاهد اشقرن به حواسيـس قلبه على شوف الحباري حزينـي
وطارن وجيناهن وزانه مفانيـس في موقعن ماجوهـن الكاشتينـي
في موقعن فيه الجوازي مخانيـس مدهالهن من ماضيـات السنينـي
برضن وعر ما تنوطي فيه تغريس والجمـس فيهـا غاديلـه حنينـي
ياحلو مسراحن لهـا بالغطاريـس في ساعتن راحت على النايمينـي
لانام خطو مهستـرن بالهداريـس عجلن على قولـة لهـا لحفينـي
يقول انا من ذا العمل خالي الكيس ابحتلب معزاي واشـرب شنينـي
ابا احتلب ام اللبن واجلب التيـس مالي ومـال مرافـق القانصينـي
واليا لفينا مع حـدودن نواحيـس كلـن يقـول قنوصنـا منكفينـي
قامت تجيك الناس مثل الجواسيس كلـن يجيـك وللعشـا محترينـي
هذا الطرب ياللي براسك نعاطيس ولابدنا عقـب الطـرب ميتينـي

وشكراااا منقوووووووووووووووووول (ساحات مطير)