|
قصيدة للشاعر زيد بن غيام
قصيده معروفه لدى الجميع او الاغلبيه
لكن لها حق علينا كجبلان ان ننشرها ونعتز فيهاا.
يامل قلب عذبه كثر الأنواع=يبي الطمع مير الطمع يخلف الطوع والله يالولا زرفلة شقح الأقطاع=وآقول اباخذ لي مع البدو قرطوع لاصير في قصر لاروع ولاروع=لاهالك ظامي ولاميت جوع مار البلا وان طاح بالصلب رماع=وشدوا له الجبلان مع بينة الشوع تلقى لهم من عند ابا القد مرماع=ماعبروا في عرفج الشق مقطوع حزم غدا لقليقلانه تمرياع=والرمث ينبت في مذاريه طالوع في مربع وان جاه راع الغنم ضاع=تلقى الجوازي خنس فيه ورتوع وأحب هد الطير والطرش منداع=شرق من المجذم شمال من الكوع الى حصل صفق الحباري مع القاع=والله ماغبط اللي يصوع الذهب صوع |
سلمت يمينك يالقعيمي على نقلك هذه القصيده المشهوره...
وصح لسان شاعرها المعروف زيد بن غيام.... تقبل مروري.,.,., |
اسعدني مرورك اخوي السالمي
وصح ابدانك |
صح الله لسان اللي قايلهاا وسلمت يمين اللي نااقلهاا...والنعم فيك وفي الجبلان..
|
صح ابدانك يادمعة ناقه
وماعليج زود ونعم فيج شرفني مرروج |
صح لسان الشاعر زيد بن الغيام ..(الاول) ماهو بالتالي.. وعزالله كفا ووفا الخال زيد ..والله يرحمه ويعطيك الف عافيه القعيمي بس في خطا ببيت وهو..: لاصيـر فـي قصـر لاروع ولاروع لاهالـك ظامـي ولاميـت جــوع التعديل.: لاصير في قصر لامروع ولا رتاع لاهالك ظامي ولاميت جوع وتمني انك تسمحلنا على تعديل اخوك الخيال |
يعطيك العافيه اخوي الخيال
ولاهنت على التعديل اسعدني مرورك |
احسنت الاختيار اخي العزيز
شكرا على ايرادنا بكل ماهو مميز ورائع وصح لسان الشاعر زيد |
لاهنت يالقعيمي . . .
قصيده جزله ومن رجالَ جزل . . . صح لسانه والله يرحمه . . لاخلا ولاعدم . . تحياتي لك |
بسم الله الرحمن الرحيم
مشكوووووور والله يعطيك الف عافيه |
ما قصرت يالقعيمي
الله يعطيك العافيه يا القعيمي والله يرحم شاعرنا زيد بن غيام
|
بندر العميل
الله يعطيك العافيه يالقعيمي والف الف ومشكووووووور
|
صح السان بن غيام
ولاهنت علي نقل |
فديت زيد بن غيام الأول والله يرحمه ويسكنه فسيح جناته
والله له قصائد منتهى الروعة بس للاسف اغلبها اندثر رجل معروف بطيب اخلاقه واحفاده ورثوا هالطيب منه |
صح السان شاعرها والله يغفرله ويرحمه
وبيض الله وجهك ياالقعيمي على النقل الرائع |
| الساعة الآن 07:51 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
