::منتدى الجبلان الرسمي:: - مرثيـــــــــة رجــــــــــــــل ---

اليكم هذه المتواضعه (مرثية رجل) اتمنى ان تنال الاستحسان ولكم ودي وتقديري

أخوكم : فرحان الراشد

-------------------------------------------------------------------------------------

فقدتلي (يازيد) فالأمس رجال
وصارت حياتي كل ابوها حزينه

وزاد العنا والجرح وزداد غربال
وقلبي من فراقه تزايد ونينه

ومات الوفا جتني المصايب والاهوال
عقبه وفارقت الهنا والمدينه

والحزن ينحت في ضلوعي ويختال
ويتغلغل ويطغى على ابيمينه

رجل ٍ احبه ساكن الروح والبال
لامايفارقني ولا أنسى حنينه

عشرة اعوام ٍ اعرفه لا ولا مال
في دنيته محشوم عن اهل الضغينه

شهم وكريم ومرتكي لكل الاثقال
حر ٍ يجيب الصعب عنده رهينه

مشهور بالفزعات هو ذرب الافعال
وعز الشرف والطيب بان ابجبينه

هو رمز للمعروف تشهدله اجيال
ويشهدله التاريخ ماأطهر يدينه

ماهز راسه هرج حاقد والانذال
ولا مشى درب الردى في سنينه

الله وأكبر يوم بالقبر نزال
حطيته ودمع الحزن ذارفينه

مات وتركني ضايع ٍ مبلي الحال
كاره انا دنيا البشر والسكينه

وضاق الفضا اقسم انا ماتت امال
بعده ورافقت الشقا والغبينه

وطاحت دول ياخوي ثم طاحت ابطال
بموته وهذا الكون اظلم ابحينه

يازيد) زوله دايم الدوم جوال
في ذاكرة قلبي حشا مااهينه

مامات في ذكره عزيزن ومازال
يسكن بروحي والعلاقه متينه

يستاهل اكتب فيه شعري والامثال
ويستاهل اسميه رجل الثمينه

لنه وفي (يازيد) وعن الف رجال
يبقى ولو قفت وراحت اسنينه

شعر : جريح الخطـــاوي ---