ياضيقة الصدر انا طالبـك خلينـي =عامين نارك على صدر الشقي حيّه
لـو فيـك ذرة كرامـه ماتعنينـي =كان استحيتي من احداث الزمن فيه
مليان هم وعنا والوقـت مكفينـي =عجايبـه فـيّ مربوعـه ومثنيـه
عمري ثلاثين عـام وزود ثنتينـي =عشره فرح والشقا تسعين فالميـه
عشته بدون أم فالدنيـا تراعينـي =رباني العود بين الشمـس والفيـه
اسوق رجلي ليا ضاعت براهينـي =مابين حي السويـدي والمليحيـه
واصبر على غربتي واقول يمدينـي =مادام سني صغير وصافـي النيـه
وكبرت والهم يكبر بينـي وبينـي =تقول نصف الخلايق همهـا فيـه
الشيب في عرض راسي بيّنٍ فيني =خلا براسي لجور الوقـت ماريـه
صاحي وكني مجالسلـي مجانينـي =ماغير اسولف على نفسي علانيـه
والدمعه اللي تهادت من ورى عيني =عرضّتها يوم طاحت راحت إيديـه
لو إن فالعيـن غيـره ماتبكينـي =الله يغربلـك يالعيـن الشقـاويـه
والجادل اللي تمثنت في شرايينـي =غابت وراحت وروحتها بـلا جيـه
اخر مواصيلها من قبـل عامينـي =مفقودةٍ فالوجـود وداخلـي حيـه
اهيم فيها وهـي بالحيـل تغلينـي =محبةٍ فالزمـن ماهيـب مطويـه
صدى تفاصيلهـا بيـن المحبينـي =وافلّها في خيالـي كـل عصريـه
ضمتني بصدرها بيـن البساتينـي =وسكّنتهـا العيـن هذيّـه وهذيّـه
مع بعضنا فالهوى والحب وافينـي =على طريـق الحكايـات الغراميـه
واليوم راحت عسى الله مايخلينـي =( بالزين مذكوره وبالشين منسيه )

يعني لو قلنا أبداع قليل صراحه ....! صح لسان شاعرها ( سعد معضد )

وشكرا على النقل أخــــــوي مهاجر والقصيدة بمجملها رائعة من روعتك ...

تقبل مروري المتواضع يا خوي {{ أخــــــــــــــــوك ( الهـــــــــــتان ) }}