|
من طرايف الشاعر سعود بن جمعان المطيري
شاعر جزل ومتمكن غلب على قصايدة جانب الطرافه
بعض قصص وابيات بن جمعان يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه وهو يتشكى كان مركز بعيونه على سعودجمعان قال له سعود هالأبيات: يا ابن الحلال اللي تشكى علينا حنّا لنا بوضع على الله مشاكيه كانك تحرى للعطا مـن يدينـا عزالله إنك عندنا ما أنت لاقيـه ماهو ردى بس أرثع الوقت فينا ماعندنا ماناكلـه دون نعطيـه .................................................. ومره كان سعود طالع من المسجد ولقى وحدة رافعة يدها وتشحذ عند الباب قال لها سعود: يابنت ياللي بالمساجد تطوفيـن كفي يدينك قبل نأخـذ ريالـك حنـا ترانـا كلنـا مستحقيـن ماهو أنتي اللي مستحقة لحالك لو لا الحيا شفتي وزانك ثلاثين أحد يمين منك وأحـدٍ شمالـك مرفعيـن إيديننـا ومتقاعيـن الموجب إن أحوالنا مثل حالك .................................................. ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري أنـا لقيـت البنـك مثـل اخويايـه مايقضي الحاجة إلى جـاه محتـاج أمس الضحى مريـت كـل زملايـه وكلٍ عطـى لـه بالمعاذيـر منهـاج وضنيت باقي فـي رصيـدي بقايـه وحركت ناصٍ حارس البنك هجـاج ودقيت رقمـي صـح مابـه روايـه طلع على الشاشة : لا داعي للإزعاج .................................................. ومن روائعه يا أهل الوظايف قولوا الحمـدلله على معوشتكم ولو رزقها ضنـك أنا وجنسي رزقنا لـو وصفنـاه حوذ الحنك مافيه زودٍ عن الحنك ماطاح قرشٍ في يدينـا قرشنـاه ودايم طفارى الله يجيرك ويامنك البنـك لـولا لوحتـه ماعرفنـاه من قل ماندخل على موظف البنك ماغيـر نقـرا لوحتـه ونتعـداه وإن قيل هذا البنك قلنا اتركه عنك لاوا هنيـك يالغنـاوي هنـيـاه ترقـد وحنـا بالدراهـم نمونك نفرح إلى من المعـاش استلمنـاه ويهـج منـا قرشنـا ويتزبـنـك والله يالوتصرف ربع ماصرفنـاه ليصيبك السكر مع الضغط والتنك ولولا جهدنا وجهدنا اللي بذلنـاه ماتنفخ ذروبك وتمـلأ مخازنـك مير المقدر مالنا غيـر نرضـاه مرزقك منا وسقمة أرقابنا منـك .................................................. طبعا والشاعر سعود جمعان المطيري هو صاحب القصيدة اللي يرددون الناس بيتها الأول دايم والقصيدة هي لاصار جدك ماترك لـك ملاييـن ماهوب لازم تشتري لـه ضحيـه قل له ياجدي جعلك من المناجيـن والله ماتسـوى قيمـة البربـريـه عقبتني للديـن ومصـارع البيـن ومن زين طبعك كاتبٍ لك وصيـه؟ لو أنت ما أخذ لك من الخد حوشين يوم الأراض بلاش وسـط العليـه إن كان تلقاني من أهـل الدكاكيـن مطنطـخٍ هالحيـن ميـة بمـيـه لكـن ياجـدي ضحيتـك بعـديـن إن سهـل المولـى ثمنهـا عليـه حنا بوقتٍ شين وأشين من الشيـن فيه الخـوي ماعـاد ياثـق خويـه وســــــــــــــــــــــــلامتــــــــــــــــــــ ــكم |
الله يرزقه بالملاااااااااييييين
صح لسان شاعرها,,, وتسلم يمينك يا الازلع.... على هالمقتطفات الشعريه الطريفه,,, ننتظر جديدك,,, |
صــــح لســـانك ياالأزلع وصح لســان شاعرهــــا والله لا يهينك على النقل.....\\\ بصــراحة موضوع يستحق الإشــادة وتشـــكر عليـــه .... يعطــيك العافية وننتــظر جديـــــــــــــــدك ..... |
هههههههههههههههههههههههههههههههههههه
صح الله السانه .. والله يرزقه ملايين انشالله .. الله لا يهينك يالازلع .. على النقل .. المميز .. الف شكر لك يالغالي ..! |
صح لسان الشاعر جمعاان. . .والله يرزقه بالملايين
اها طلع هو الي قايل القصيده لاصار جدك ماترك لك ملايين..! يعطيك العافيه يالازلع على المقتطفات الممتعه من الشاعر جمعان. . . ! |
صح لسان الشاعر ,, ولاهنت يالغالي على النقل
يابنت ياللي بالمساجد تطوفيـن كفي يدينك قبل نأخـذ ريالـك ههههههههههههههههههههههههههههههههههههههه الله يالطفرة قشرا يعطيك الف الف عافية |
لاهنتوا علي المرور الكريم وتسلمون
|
لو أنت ما أخذ لك من الخد حوشين .... يوم الأراض بلاش وسـط العليـه
عز الله انه صادق ... الله يرزق الشاعر ... ويعطيكـ الف عافيه يالازلع على المقتطفات الشعريه |
الله ايعافيك اخوي الصدقي وشاكر مرورك
|
هههههههههههههههههههههههههههههههههههههههههههههههههه هههههههههههههههههههههههههههههههههههههههه
<<<يحوووووووووووووووووووووووول الله يعينه ويرزقه يالووووووووووف حالي لوفااااااااااااااااااااه <<<ياعيشتن قشررررررره صج المعانا ة تصنع الابداع لولامعاناته جان ماعطانا القصيد الزين والصراحه هو صاج باللي قاله يعطيك العافيه اخوي الازلع علىالاختيار الرائع |
| الساعة الآن 06:09 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
