|
قصيدة .... الولد اسمه على اسمك و المشاعر جايعه
أتمني أن تنال أستحسان الجميع فهي قصيده أعجبتني وحبيت أنقلها اليكم : (( الولد اسمه على اسمك و المشاعر جايعه )) عند قسم المختبـر وسط مشفى الجامعـه جيتها ثم قلت ممكن في سؤالي تسمحيـن ناظـرت فينـي بدهشه نظره متواضعـه قالت انت تـحسبني من بنات صايعيـن تـحسبني في زماني عن طريقي ضايعـه قلت انا ماراح اطـول كلبوها كلمتيـن وابعـدت عني شويه ثم جتنـي راجعـه قالت اسال واضح انك من رجال طيبيـن بس هرجك يالسنـافي كان وشهو دافعـه قلت انا حبيت وحده يـوم كنا صغيـرين ومن ثمان اسنيـن راحت للمواصل قاطعـه عقبهـا ماذقـت نـوم يهتنيـه النايميـن ساهر في طول ليلي لين شـمسي طالعـه اذكر انه فيه حبه فـوق ثغـره من يميـن واذكر انه لاجـرينا كـن شعـره تابعـه واذكر انـه عاشـق فـالورد الياسميـن صار قلبي بالـورود اللي عشقهـا زارعـه طابعا اسـمه بقلبي فيه سيـن وفيه عيـن وفيه الف وفيه دال وسط قلبـي طابعـه قاطعتنـي بقولها سبحـان رب العالميـن ومـرتيـن كـررتـها مـره ورابعـه قلت وشفيك وشبـلاك يابنيه ترجفيـن ليش عينك يابنيـه من كلامـي دامعـه قالت الموقف وقلبـي والمحبـه والحنيـن كيف اشوفك بعد ماكنـت عنك قانعـه قلت انا بسألك انكانك انتـي تذكـرين عن مواثيـق ثـمنها من حياتـي دافعـه قالت ظروف الزمان ماتطيـع العاشقيـن بيعونـي غصب حبك لو هو ماني بايعـه انا في دنياي حالي كنهـا حال السجيـن حتـى لو فكـوا سراحه فيه شي مانعـه زوجوني غصب واحد وحرموني حاجتيـن السعاده فـي زمانـي والحيـاه الرائعـه والحين انا ام لثلاثه عندي ريـم وياسميـن والولد ا سمه على اسمك والمشاعـر جايعـه ودمتم سالمين |
والحين انا ام لثلاثه عندي ريـم وياسميـن
والولد ا سمه على اسمك والمشاعـر جايعـه لحووووووووووووووووول هذا والله الحب الي نهايته قشرا انا لله وانا اليه راجعون <<<< متأثر حده لاهنت يا مشاري قصيده مؤثره طبت وطاب منقولك تقبل مروري |
قالت انت تـحسبني من بنات صايعيـن
تـحسبني في زماني عن طريقي ضايعـه اشهد انها سنافيه |
واجد الى نهاايتهم قشراا يامكسور :)
ونوورت بمرورك يالغالى |
صافى الاحساس شاكرلك على المرور
|
والحين انا ام لثلاثه عندي ريـم وياسميـن
والولد ا سمه على اسمك والمشاعـر جايعـه مشكله الحب ومشكوور يامشاري على القصيده الرائعه |
العفو اخوى احمد وشاكرلك على المرور
|
لاهنت علي نقلك القصيده . .
قصيده رائعه لاخلا ولاعدم |
ولا انت اخوى سعود وزدتها حلا بمروورك
|
زوجوني غصب واحد وحرموني حاجتيـن
السعاده فـي زمانـي والحيـاه الرائعـه والحين انا ام لثلاثه عندي ريـم وياسميـن والولد ا سمه على اسمك والمشاعـر جايعـه -اللللللللللللللللللللله عالابياااااااااااااات الخطيره المؤثررررررررررررره << والله جد انا اعرف واحد يصيرلنا واعتقد لو اقول اسمه كلن يعرفه شاااااااعر معروووووووووف كان يحب بنت جيرانه وعقبه تزوجهااااااا وقعد عندهااسنين ماجابت منه اعيال وعقب ماحنت عليه امه وخواته نبي نزوجك نبي نزوجك عشان يجيك عيال وابوهزعل عليه ومايكلمه واقنعوه يتتزوج بنت عمه قال انا موافق بس على شررط مرتي هذي ماتدري عشان مايبي يزعلها من زود مايغليهااا المهم يوم تزوج عليها ومحد درى بالسالفه واخذ فتره بس كله مجابل مرته الاولى لانه يعزها وعقبه درت مرته الاولى مدري هو علمها عشان يبي يقنعها انها تقعد عنده بس هي زعلت ورفضت تقعد عنده وصارت مشاكل بينها وبين اهله وعقبه طلقها غصبن عليه مع انه يحبها حيل وكل جماعتنا تدري بالسالفه المهم وطلقها واهي تزوج واحد من عيال عمها ويرزقها الله بالعيال وهو سافر فترررره برررره عشان يدرس وعقبه اشتغل بررره فترررره طويله عشان يبي ينساها ورد عقب فتره طويله وشاف ولد كبير عمره تقرريبا 10 اسنين ومزيون هالولد وهو الرجال هذا شبه على الولد لانه يشبه مرته الاولى الي طلقها حيل يوم سأله انت من ولده قال انا ولد فلان قال شسم امك قال فلانه جااااااااان يعرفه وينصدم انه ولد طليقته ويقولون حبه وضمه وعطاه فلوس(مبلغمو بسيط) وكتب فيه قصيده ولحد اللحين لاشاف عيالها عند الباب مسيرين على بيت جدهم يخمطهم ويحبهم ويسولف معاهم مع انه اللحين هو متزوج وعنده اعيال ووهو شااااااااااااااعر معروووووووووووووف حيـــــــــــــــــــل عشان جذيه انا تأثررررت بالقصيده لان فيه قصص كثير بالواقع مثلها <<<< تقول هذا الحب ولابلاش |
| الساعة الآن 11:26 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
