مايباه و ما يريده علـى خشمـي هـذاه ،،،
 

الحبيب اللي نكبني وانا استذنبـت فيـه ، ماربحنا واسـال الله لـي ولـه النجـاه
طاح في حبي وانا طحت كلي في يديـه ، المطيح اللـي يشـاف و يشّـد الانتبـاه
فيه زين استغفر الله منه واتـوب اليـه ، يفقد العاقل صوابـه ويخلـف مستـواه
اشهد انه كامل اوصاف ولا لـه شبيـه ، مار عاقبنـي بظنّـه و سوّابـي سـواه
يحسبني عنه لا ابطيت مالي نفس اجيـه ، مادرى اني لاجل عينه عكسـت الاتجـاه
يحتريني فوق رجـم المحبّـه واحتريـه ، اسبقه في امرار و امرار يسبقني عـلاه
لين وكّد حبّه اللي مثل صـرف الجنيـه ، وقام يزعل ويتغلـى عليّـه مـن غـلاه
الغلا خـلاه يفعـل معـي مـا يشتهيـه ، يفتح الموضوع و يسكّـره علـى هـواه
ازعله وارضيه وازعل منه وارضى عليه ، وفي دقيقه قبل يطلب رضاي اطلب رضاه
ليه اكابر معه وانا اعرف انه حق ليـه؟ ، مايباه و ما يريده علـى خشمـي هـذاه
يعرف اني مقدر اجفاه ورضـاه اشتريـه ، واعرف انه من وجودي معه ماله غنـاه
مستعد ارضيه و اعطيه كل اللـي يبيـه ، بس ما يزعل عليّ و يجيـب اللـي وراه
المحبه نار مـن طـاح فيهـا تشتويـه ، ولو زلقت وطحت في النار ماشفت الحياه



أتمنى ان تحوز علي رضاائكم

لكم تحياتي

صح بدنك

ياليتها لي

تسلم علي ردك الكريم

السلام عليكم ورحمة الله وبركاته



تسلم يدينك وصح لسان شاعرها

الله يسلمج

صح بدنتسـ

لاهنتي علي مرورج الكريم

صح لسان شاعرها ولاهنت
ياسعود بن لامي

تسلم علي مرورك يالقعيمي

لاهنت يالغلا