::منتدى الجبلان الرسمي:: - ×××ــــــــــ عيـــد الاضحـــــى ــــــــــــ ×××

::منتدى الجبلان الرسمي:: (http://www.aljblan.net/vb/index.php)

- همس القوافي (http://www.aljblan.net/vb/forumdisplay.php?f=53)

×××ــــــــــ عيـــد الاضحـــــى ــــــــــــ ×××

ادري مبطي عنكم ياشرابة الهواء

بس السموحه ،،

نفحة عذاب العـيد ..

عيــد السنه ليت الفــرح عاد عيــده
ــــــــــــــ من قبل انا اشهــد عيده اللي غدابــــه

..

ياعيد الاضحـى وش بقى لك نعيده
ـــــــــــــ غيــر الدموع ، اللي تزيـــد الكااابه

..

ثالث سنـــه والعيــــد فينا يزيده
ـــــــــــــ ذكرى تجدد حزننا في ذهــــابه

..

ثالث سنــه والقلـــب يشكي فقيــده
ــــــــــــ ثالث سنـــه من يوم قفت ركاااابه

..

ثالث سنــه والناس حــولي سعيــده
ــــــــــــ وانا احتــرق والقلب زايد عذابــــه

..

ثالــث سنـــه ، واعيـــد واكتب واعيــده
ـــــــــــ شعرً كتبته باسم جـرح الكتــــابه

..

اكتب يالــين القلب يوقف وريده
ــــــــــــ اكتب وعبــــر وش جرى في غيااابه

..

اكتب وخل الناس تقـــرى القصيـــده
ــــــــــــ وقـصة فراقً عشتها في غرابـــــه
..

والشعـر ، كانــه صدق صادق فريــده
ــــــــــــــ وكانه صحيح ويضــوي اللي سرابــه

..

هذا قصيــدي والمشـــاعر وقيـــده
ـــــــــــ واوقدت من نار المشــــــــــاعر شهااابه

..

الحزن ، والغربال ، والدمع سيــده
ـــــــــــــ والضيــق ، والحسره ، مع الراس شابه

..

والشوق ، والمعشوق ، يصفق بييده
ـــــــــــــ من حـر مافي قلبـــــه اللي جرابــــــه

..

عيــد الضحى وش عاد لو عاد عيـده
ـــــــــــــ ماعاد يغــري عيـــدك اللي تشااااابه

..

لكن حــق الله علينــــــا نعيـــــــــده
ـــــــــــــ وعيــدك مبااارك لاجل عين القرابـــه

..

وهذه القصيــده كان تبغى القصيــده
ــــــــــــ باسم الضحى ولو السعاااده نهـــــــــابه

وسلامت قلووبكم

فارس بن جاعد الجبلي

عيـد الضحى وش عاد باقي نعيـــده
ـــــــــــــ غيــر الدموع ، اللي تزيـــد الكااابه

صح لسانك فارس

وعيدك مبارك وكل عام وانت بخير ونوّرت المنتدى بوجودك

تقبل مروري

حياك الله وكل عام وانت بخير

صح لسانك ملاايين

وكل عام وانت بخير.

فارس

صح السانك مليون ولا يكفون , ,

طيبه من وجهن مبارك :)

والله يعينك على هالعيد

الى الامام دوماً . .

..

..

اقتباس:

المشاركة الأصلية كتبت بواسطة فارس الجبلي


	ادري مبطي عنكم ياشرابة الهواء بس السموحه ،، نفحة عذاب العـيد .. والشعـر ، كانــه صدق صادق فريــده ــــــــــــــ وكانه صحيح ويضــوي اللي سرابــه .. هذا قصيــدي والمشـــاعر وقيـــده ـــــــــــ واوقدت من نار المشــــــــــاعر شهااابه .. الحزن ، والغربال ، والدمع سيــده ـــــــــــــ والضيــق ، والحسره ، مع الراس شابه .. والشوق ، والمعشوق ، يصفق بييده ـــــــــــــ من حـر مافي قلبـــــه اللي جرابــــــه .. وسلامت قلووبكم فارس بن جاعد الجبلي

الشاعر /فارس الجبلي

حياك الله

نص بغاية الروعة والجمال

شكرا لرقي حضورك ..

كن بخير أخي ..

صح لسسسسسسسسانك فارس الجبلي تقبل مروري طلال الميزاني