يا بنت أرجوك أنا مأقدر كفاني ماضـي الغلطـات=
واخـاف ابساعـه اللـذه يجينـا هـادم الـلـذات=
أنا ليّه ثمان اسنين وأنا مدمـن علـى الشهـوات=
عيوني من كبـر همـي تخلـط الـدم والعبـرات=
صحيح إنك جميله بس تبنا مـن هـوى الزينـات=
يابنت أنتي على بالك أبأخذ مـن بنـات الشـات؟=
ترى أكبر شيء يربطني مِعك جوال أبو شاشـات=
وترى كل العلوم اللـي عطيتـك بالهـوى كذبـات=
هـذاك اليـوم ماهلـت عيونـي لجلـك الدمعـات=
أنا أضحك مِعك واضحك منك ..عليك أكثّر الضحكات=
وأنا ماني بخكري يلبـس القمصـان.. والشرتـات=
أنا مـن لابـةٍ أروت ضمايـا سيوفهـا الغـزوات=
ودهنتي شعرك الأسود بألـوانٍ مـن الصبغـات=
وحشرتي ردفك المسكيـن بالبنطـال ...والجنـزات=
عشاني ميـتٍ فـي ثغـرك الأحمـر أبـو لمعـات=
ورب الكون مأرضى فيك لو إنك شيخـة الحلـوات=
يابنت الناس عزك فـي سـوادٍ يستـر العـورات=
سعودييـن نفخـر فـي عبـايـات السعـوديـات=
وخليجييـن نفخـر فـي عبـايـات الخليجـيـات=