|
غربة بلا عنوان
غربة بلا عنوان
------------------- يعين الله يا دنيا تسوق ايامها الاحزان يعين الله وانتي قفل ضاع مفتاحه يعين الله وجروحي لها في كل وقت شان كذوب الي يقول ان الزمن بيداوي جراحه سقا الله يوم انا يمه غرير يزعج الجيران سقا الله يوم انا طفل يصج البيت بصياحه سقا الله يوم كان اقصى طموحي لعبة الدنان نهاية يومي المغرب واخاف الليل واشباحه سقا الله يوم انا البس بشت ابوي وثوبه القيطان واقلد كل شي فيه حكيه.. جده... ومزاحه واشيل المسبحه مثله ليا هوجس وهو سرحان بيشعر .. واحسب ان الي عطاه الشعر مسباحه سقا الله بيتنا ذاك البسيط مشقق الجدران شجاع يهزم الغدرا بقنديله ومصباحه تكحلنا القناعه لا طمع لا هم لا حرمان واذا جا الليل تكفينا ثلاث اخوان طراحه جميع الذكريات الي غدت في قفرة النسيان تحاكي حلوها عبره بموق العين سباحه خذتني غربة عنوانها غربه بلا عنوان ابي عقب التعب راحه لقا فيني التعب راحه رجعت اليوم مثل الي رجع عقب القنص خسران غدا طيره وجا يسحب سلوقيه وملواحه قصيدة ما بعد مرة ابال مساعد وضيدان هواجس ابدوي هايم في عشق فلاحه وروح تايبه كانت تبي لذنوبها غفران خطاي اني كتمت اسرارها بعيون بواحه تقولين المطر ماهوب يمه دايم هتان اجل معذور قلبآ في همومه ضاعت افراحه انا يمه غلطت ولاني اول واحد غلطان ابونا ادم من الجنه خرج باسباب تفاحه خذلك الوقت فيني ما خذلتك يا اعز انسان وش الدبره .؟ وحظي صار قفل ضاع مفتاحه ---------------- للشاعر / محمد الدحيمي |
بنت مطير مشكورة على نقل القصيدة وصح لسان قائلها
|
تكحلنا القناعه لا طمع لا هم لا حرمان
واذا جا الليل تكفينا ثلاث اخوان طراحه الله الله00000000000 رجعتينا لايام الطفوله والبرائه يابنت مطير وتسلمين على النقل المميز |
يسلموووووووووووووووو اخوي عاشق على المرور
دمت بحب خيووووو |
اخوي الغيماني يسلموووووو مليون على المرور
والتميز هو مرورك خيووووووو اما ايام الطفولة هذه قصة ثانية ههههههه |
الاخت بنت مطير ياليت سويتي تنسيق قصيد لرائعه محمد الدحيمي بس عا د انابنسقها
ومشكوره على تنفيذج للطلب
يعين الله يا دنيا تسوق ايامها الاحزان=يعين الله وانتي مثل قفل ضاع مفتاحه يعين الله وجروحي لها في كل وقت شان=كذوب الي يقول ان الزمن بيداوي جراحه سقا الله يوم انا يمه غرير يزعج الجيران=سقا الله يوم انا طفل يصج البيت بصياحه سقا الله يوم كان اقصى طموحي لعبة الدنان=نهاية يومي المغرب واخاف الليل واشباحه سقا الله يوم انا البس بشت ابوي وثوبه القيطان=واقلد كل شي فيه حكيه.. جده... ومزاحه واشيل المسبحه مثله ليا هوجس وهو سرحان=بيشعر .. واحسب ان الي عطاه الشعر مسباحه سقا الله بيتنا ذاك البسيط مشقق الجدران=شجاع يهزم الغدرا بقنديله ومصباحه تكحلنا القناعه لا طمع لا هم لا حرمان=واذا جا الليل تكفينا ثلاث اخوان طراحه جميع الذكريات الي غدت في قفرة النسيان=تحاكي حلوها عبره بموق العين سباحه خذتني غربة عنوانها غربه بلا عنوان=ابي عقب التعب راحه لقا فيني التعب راحه رجعت اليوم مثل الي رجع عقب القنص خسران=غدا طيره وجا يسحب سلوقيه وملواحه قصيدة ما بعد مرة ابال مساعد وضيدان=هواجس ابدوي هايم في عشق فلاحه وروح تايبه كانت تبي لذنوبها غفران=خطاي اني كتمت اسرارها بعيون بواحه تقولين المطر ماهوب يمه دايم هتان=اجل معذور قلبآ في همومه ضاعت افراحه انا يمه غلطت ولاني اول واحد غلطان=ابونا ادم من الجنه خرج باسباب تفاحه خذلك الوقت فيني ما خذلتك يا اعز انسان=وش الدبره .؟ وحظي صار قفل ضاع مفتاحه شكرا للأخت على بحثه عن قصيدة الشاعر الكبير و المظلوم اعلاميا محمد الدحيمي وعزالله ان صادق انها مامرت ببال مساعد ولاضيدان ولا راح تمر ببالهم اصلا. |
صح لسان شاعرها
وسلمت يمناج يالغلا دمتي ودام قلمك المبدع عذاري المطيري |
خذلك الوقت فيني ما خذلتك يا اعز انسان
~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~ وش الدبره .؟ وحظي صار قفل ضاع مفتاحه ][®][^][®][بنت مطير][®][^][®][ قصيدة رائعة واختيار ................. رائع وموفق صح السان الشاعر ودمتي كمااااااااا تحبين |
صح السآنهـ ويسلم قلبــــــــك يالغلا ..
رووعه كلماتها .. ذووق لاعدمنا جديدك .. فديتك |
مشكور اخوي بعيد على التنسيق بس انا مو فاضيه لهالسوالف خخخخخخخخخخخخخخخ
يسلمووووووووو مليون على المرور لا عدمنا هالطلة |
| الساعة الآن 12:11 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
