حي الكتاب اللي به الرشم ممهور=حيه وحي اللي عنابه وجابه
من شيخنا اللي بين الأقطار مشهور =الشيخ أبو جابر عدو الحرابه
جاني وحطيته على الرأس مابور =ولا عندنا إلا قولت مرحبا به
دن القلم واكتب كما الدر مصطور =ردا" لبونا يوم جانا كتابه
سلاما أحلى من لبن شمخ الخور=اللي لذيذا" بالمعاوش شرابه
والله ما رحنا لهناء كل محضور =إلا جوابا" خافيا ما درابه
وأعرف ترى أن العبد منهي ومامور =أمدبرا" لين يتكامل حسابه
الي دبره مولاه ما يسمع الشور =يرضي بحكمة ربه اللي مشابه
رحنا نبي الطولات والعز وسرور=والعز يا شيخ العرب ودنابه
أنا بعيد الطلع ماني بمثبور =أو واحدا" ماله عشيرة ولابه
ربعي مطير مطوعة كل مصطور=كم واحدا" خلوه ينقل صوابه
حلايبه راحت مع الخيل دعثور=زودا" على المظهور شالوا زهابه
لاشك عند الشيخ ماني بمشكور=افعل جميل ولا يلقيه جابه
كني مفرغ قربته باوسط الخور=يدفق صميله والبحر ما درابه
ونحرت ربعا" من قديما" لهم دور=هم الخليفة عزهم ينحكابه
الشيخ عيسى حامي الدارك الصور=بحمايته كل القبايل تهابه
جمع ثلاث خصال نورا" على نور =حاش الديانه والصخى والحبابه
هذا وأنا ما قلت زله ولا زور =ولا خير في رجلا" يزل بجوابه
تمت وصلى الله على صاحب النور =راعي الشفاعة محمد والصحابه

االمرجع / البركان . مواقف وأشعار من صخر

جمع وإعداد / شاهر الأصقة

أشكركم على مروركم الكريم يالقعيمي وأخوي عود الليل

تقبلو تحياتي

أشكرك أخوي عود الليل على التعقيب

والله يعطيك العافية على مجهودك الطيب

تقبل تحياتي