|
يــاطـــيــــــف
الســــلام عليكم ورحــمة الله وبركاته
هذه أبيات متواضعه حبيت اني أشارك فيها وأتمنى ان تنال شيء من استحسانكم وإعجابكم. وكما تعرفون فإن أعذب الشعر أكذبه. فقد كتبت هذه القصيده حينما كنت أعمل بأحد المناطق النائيه لفتره مؤقته بمساء أحد الأيام وأنا أرسم في مخليتي وجود حبيبة لاوجود لها أصلا على أرض الواقع. وكأني بطيف تلك المحبوبه وهو يسامرني ويسهر معي ليقضي على وحدتي وغربتي ويبدد صمتي. فإليكم هذه القصيده والتي نشرت في جريدتي الرياض والجزيره.
حييت يا طيفٍ على بالنا جيت=حييت يا طيف به أوصاف خلي طيفٍ يسامرني مع الليل لمسيت=حييت يا طيف الذي ما يملي في حضرتك يا طيف لم التشاتيت=والقلب من خلف المحاني يهلي وقفت أحيي طلتك يوم طليت=جيتك وأنا بك مغرم جيت كلي لك وحشةٍ بالفكر لا غبت واقفيت=والدمع من محجر عيوني يهلي ما شفتني في غيبتك كنني ميت=لا خاطر طيب ولا مسفهلي ياللي تذكرني هنوفٍ لها صيت=بوصوفها وصف عظيم يسلي عذروبها فيها الكبر باني بيت=فيها الكبر يفرض عليها التغلي لو رشحوا للزين فاق التصاويت=تلقى جمال الكون فيها امتعلي يا طيف أنا افرح في مسامرك لا جيت=دامك شبيهٍ تشبه أوصاف خلي |
عذروبهـا فيهـا الكبـر بانـي بيـت
فيها الكبـر يفـرض عليهـا التغلـي الله عليك يااابعيد الهقااوي هذا وهي خيااال أجل شلوون لو صدق صح لساااااانك أخوي ومن هالتمييز للأعلى |
حييت يا طيـفٍ علـى بالنـا جيـت
حييت يا طيف بـه أوصـاف خلـي طيفٍ يسامرني مـع الليـل لمسيـت حييت يـا طيـف الـذي مـا يملـي الله الله بعيد الهقاوي صح السانك وصراحة ابداااااااااااع وفيها من العذوبة الكثير الكثير تقديري تحياتي اخوكــــــــــــــ سلطان الجبلي |
يا سلام عليك بعيد الهقاوي
قصيده رائعه ولا تكفي لا عدمناك تقبل ردي وودي |
وقفـت أحيـي طلتـك يـوم طليـت=جيتك وأنا بـك مغـرم جيـت كلـي لك وحشةٍ بالفكر لا غبـت واقفيـت=والدمع مـن محجـر عيونـي يهلـي صح السانك يا بعيد قصيده جميله في مفرداتها وبساطتها تحياتي لك |
جمرة مطير صح بدنك والتميز والجمال يزداد بمرورك واضائتك لصفحتي. شكرا لمرورك. |
سلطان صح بدنك يالغالي مرورك وتعليقك يزيد قصيدتي جمالا وإضائة. شكرا لمرورك العطر. |
سعود مرورك إضائه لصفحتي ويزيدها جمالا . شكرا لمرورك. |
الاخ بكيفي صح بدنك وشكرا لك على كلامك اللطيف والأجمل من قصيدتي هو مرورك الجميل. شكرا لك على مرورك العطر. |
مررريت القصايد مرور سريع
ولاكن توقفت عند هذه القصيده اعجبتني بصراحه صح الله السانك يابعيد عليها ودير بالك بس لايكون مخاويتك جنيــــــــــه بلعون انها قصيدتن جزله وفكرتها ولا اروع <<< ركز على بلعون جني في مسلسل بدوي ههههههههههه تقبل مروري الســـــــــريــــــــــــــــع |
| الساعة الآن 07:17 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
