ياحمود دوك الجمس عبه وصفه=ووأزن بلوفه وانتبه ترخي السير
عبه من البنزين لي حد شفه=كله لاجل نقصر طوال المشاوير
تلقابه دارمينٍ ترى تحت رفه=يجري بها البنزين حسب المواصير
احمر قزوزينٍ بممشاه خفه=من قو عزمه تحسب انه يبى يطير
ومسجله من كل صعلوك طفه=وشغل لنا تركي وعبدالله العير
يم الكويت متوجهن لاتلفه=بيسنعك ربك ولي المقادير
لاتجهره بالحيل وقف وعفه=اليا وصلت اهل الوجيه المسافير
ودور على اللي كل هالزين ضفه=من زينها تخلف قلوب الشواعير
حط الرساله ياولد وسط كفه=وعطه القصيده كامله دون تقصير
لاشفت دمعه سال وعجزت تكفه=اعرف علومه شر ان كان او خير
هذا طلبي ياحمود وارجوك وفه=انشد عن غيابه وابي منه تبرير

الله يعطيك العافية يالقعيمي

وصح لسان الشاعر