يامنازل مي عن قبة حسن= من يسار وعن قبر طلحه يمين
في ربوع كل ما فيها حسن=في ديار كل ما فيها حسين
غربن شموسها واغلنطسن= موحشات ما يبات بها امين
ساريات كنهن إلي ارجسن= بالمدامع دافنات به جنين
مادريت ان العذارى يلبسن= ثوب دال خالطه نون وسين
دار ميّ يوم مي لي تسن=سنة العشاق عونك ياعوين
دارها يوم الازار مورسن= والخصر مشغول والسروال جين
ظبية القناص في صبح ومسن= درة الغواص مشراها ثمين
تسحب القيلات من فوق اطلسن=الهوى ميال ورداها خنين
يوم حظي جالس له مجلسن= مهتني بوصال صافية الجبين
غنجة العينين والخد الحسن= والقوام ان قام عود الياسمين
كم غذلني في هواها من لسن= حاسد بالغي حلاف مهين
بادرنّي بالملامه وجلسن= عند راسي كا لخضاري له ونين
عاذلاتي في هواها ويخسن= هالخبز ماهوب من ذاك العجين
اطلقت يمناي ملوى الرسن=وبعدت بوصالنا غبر السنين
هبت رياح الحبايب نسنسن= في ربوع كان ماتذرى الطحين
ونشدني بالعنا يوم افلسن=ربما لي او عسى لي اوقمين
واحمد الله يوم ردن واختسن= والثنا لله رب العالمين