|
محاوره بين الشاعر حبيب العازمي العتيبي وفيحان القعياني الشلاحي
السلام عليكم ورحمة الله وبركاته
حبيب الوقت يسرق شاعر الميدان والساعه تدور=والشاعر الي مادرى يرجع يوقت ساعته ولعمله اللي من ذهب وسط الخزينه ماتبور=لكن مابه تاجرن يقدر يذم ابضاعته فيحان حنا ترانا ياحبيب ماجهلنا فالامور=الله يوفقنا ورب البيت نرجي طاعته والعمله الي ماتخارج مع وسيعين الصدور=لن شالها التاجر على اذنه خربت سماعته حبيب الخط ملكن للمسافر والاشاره للمرور=والسايق الي مامعه رخصه يموت ابراعته الله يعين اللي على الدنيا ومافيها صبور=ولخير من زراعته والشر من دراعته فيحان أنا معي رخصه وجاهز ياحبيب للعبور=لاتحسبني ورع يبغى الخير من رضاعته اثرك مثل الملح يوم اتنوشه الشعله يثور=والملح ماهو زين نوب ايثور في صناعته حبيب اللولو والمرجان ماتلقاه في كل البحور=مار أنت تسبح في علو البحر ولاقاعته فيحان من باب التهكم والتغطرس والغرور=يضحك بغيره والنهايه ضاعته واضاعته فـيـحـان انته تبي سطح القمر والارض من تحتك تدور=ولد الخواجه يحسبن الفكر في قباعته أنا معلم ياحبيب وانت خابر ومخبور=والخير لاهل الخير ولا الشر في طماعته حبيب ياجاهلين الاخره ترى بدايتها القبور=وبليس مايقدر يقدم عذر عن تباعته وانته بعد مخبور دايم يمنا سيلك حدور=والعلم كان الي يولع تحرقه ولاعته فيحان الجهل ظلمى موحشه والعلم لاهل العلم نور=واللي يطيع الناس في بعض المثل ماطاعته أنا مع العتبان طيب وانت يابدر البدور=تكسف على العالم ليا شافوك في مطلاعته حبيب انته على راس العمل ولا على بند الاجور=ولا قرارك مايكلفنا ياكود اطباعته ياصحيبنا الي من قديم الوقت دمك لايفور=والشر مايبلابه الا من حدى فراعته فيحان ياريس المركز على هونك ترى الدنيا تجور=راع المقبس لو يزهبها تطيح اسراعته اتمنى المحاوره ان تنول على اعجباكم اخواني رواد المحاوره الشعريه شاكر لكم حسن متابعتكم \ اخوكم \ فهد الطوير الجبلي ( مشرف المحاوره) |
أخونا فهد الطوير.
شكرا لك على جهودك المميزة بهذا القسم. وتقبل مروري ومتابعتي. |
صح لسان الشعار
وبارك الله فيك يافهد الطوير على المحاورة |
| الساعة الآن 02:00 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
