انا هاضني صوت الحمامه بعال البرج=يغني طرب يانايف الورق واشقاني
تذكرت من يسلب فؤادي بحلو الهرج=هو اللي ليا جيته عن الغير سلاني
اشوف العذارى عقب ماغاب عني عرج=بقلبي نزل ناب الردايف وعناني
كما وصف صفراّ عند شيخآ زهاها السرج=على وصفها لوهي بلا سرج وعناني
لعب بالضماير لعب خيلن تطارد مرج=بسودن محاجرها بها شلف وسناني
عسى من عذلني عنه يسجن بسجن الخرج=عليه الحكم تابيد من غير برهاني

عسى من يحدك عن وليفـك زمانـه حـرج=تفتح عليـه امـن اشهـب الوقـت بيبانـي
عقب مامعه امن الدبش ألف غيـر الفـرج=يصبـح يابـن ماجـد ذلـيـلاّ وفقـرانـي
على صاحبك سج القـدم واطلـب الله وارج=ولاتستمـع فـي هرجـه افلانـي وافلانـي
تواصل مع اللي نور خـده سـوات السـرج=تشعشـع بنـوره ناعـم الـعـود ريـانـي
عيون اشقرن يطلع على الطايـره والـدرج=يوقـف هـل الحمـلات بالطلـع ثبتـانـي
على كف شيخن مثل شرواك ساس وعـرج=ينومـس جنـابـه لاتنـهـض ابليهـانـي
وانا ما اشرب المطروق ولا اكلت لحمن حرج=واضنـك بهـاذي يابيـض الوجـه حقانـي
وترى بالعرب عاقل وبـه نافضيـن الخـرج=صديقك صديقـك واكثـر النـاس قومانـي
بعضهم يقربلك علـى شـان فتـح الـدرج=مغيـر ايتحلوالـك وهـو قلـب شيطـانـي