أنا أشره على من كان يشره عليّ أجيه = ولانيب أبا تبع زلته كان ماجاني
ترا من مشاء بالطيب بالطيب بنجازيه = علينا نجازي راع الإحسان بإحساني
أوترا من ركب درب الردا ما نبرق فيه = نحب العلوم الطيبه سر وعلاني
أوترا الطيب سندا والردا طايحٍ راعيه = عسى الله يعز أهل الوفاء إبكل مكاني
وأنا با أنصحك يا ناصر الطيب لاتخليه = مع طاعة الله قبل الأقصاء مع الداني
مع الجار له حقٍ على الجار لايوذيه = يحنّه عن الغلطات لو كان غلطاني
اوترا الناس قالوا كل رجال وامّاشيه = ولاتمشي إلا مع طليقين الأيماني
وأنا بانصحك عن صاحب السوّ لاتخاويه = ترا يلحقك شره ولو كنت برّاني
ولا ترافق إلا كل من طيبٍ طاريه = ترا رفقة الخايب لشرواك نقصاني
و ترا عزك إلنفسك ولا واحدٍ ترجيه = أخير أن تهين النفس لفلان وفلاني
ترا من حكالك قد حكا فيك لاتوحيه = أوتحلاّ بزين الخلق والعقل برهاني