سلمى تقول: أن المودة غرابيل
وأنا على سلمى عليل الضماير
سلمى تقول: الحب ويل(ن) بثر ويل
وأنا حشاي بجاير الحب فاير
وسلمى لها بقصى الضماير مداهيل
وعندي لسلمى بالموده سراير
أسأل عليها كل ما يقبل الليل
والصبح أوصي يمها كل طاير
الحب في قلبي صبغ صبغة النيل
بين المحاني صايب الحب جاير
وياما توجد والضماير تغاليل
وياما على سلمى عطيت البشاير
غرو(ن) سلب عقلي بسود(ن) مضاليل
منها قلوب أهل المودة عثاير
و رموش سود(ن) ما تكحل من الميل
سواه خلاق البحر والجزاير
دار(ن) لسلمى ما تجيها المراسيل
دار(ن) لقلبي في حماها ذخاير
أرسل لها من ناحلات المراميل
ما يصلنها ناقلات المجاير
واطلب لها من رايح المزن بالسيل
منه الزبيدي نابت(ن) بالمحاير