مســــــــاء الخير ..
بصراحه بحثت كثير شنو اقدم لكم لاني ما ابي اقدم الا الشي اللي يليق في مستواكم وفي ذوقكم الراقي اسمحولي اقدم لكم قصيده للشاعر المبدع ((الداهيه)) محمد جارالله السهلي ..،.. بعنوان (تنهيد ناااااي)..
بصراحه اعجبتني حيل وكانت قريبه من احساسي واتمنى انها تنول على اعجابكم تليق في مستواكم ..

ملاحظه : القصيده طويله .. , ولكن فيها صور شعريه مؤثره , اترككم مع القصيده

جمـــّـــع اللي ودك تقوله وبعثرني عتب...
... الملامه شي عادي!! دامها منك وجاااااي...
انت تامر و انا ألبي ماتبي بليا سبب...
...بس كان لجيتي خاطر تلبيلي رجاي...
رجوتي لا تلحق اعيونك مشاريه الهدب...
... لا تضايقه بدموعك .. وألتفاتتك .. وخطااك...
كــل شي إلا دموعك واعرف انك من شطب...
... صفحه الطيش بحياتي وإبتدى صفحه شقاي...
سق فديتك .. كل ما تملك من جنون وغضب...
... وابشر بصدر يضمك حيل دامنك هواي...
ولا رويت عتاب ؟! ناظرني وقل (طاح الحطب)...
...واسأل شرايك؟؟ وابنسجلك من الاعماق رآآآي...
باتناثر لك رضا واحساس صادق ما كذب...
...و انت رتبني على كيفك وشكلني برضاي!!...
وان تلعثم بي حضورك .. ثم نطقني لك عتب..
...حــاول انك تسمع اشواقي وسط (تنهيد نااااي)
اسمع دموعه !! وقربلي وقرب و اقترب...
...واسأل عيوني عن طيوفك ؟ وقصتها معاي...
كيف كانت في غيابك فجأة تطري واغترب...
... واركض لمنفى خيـــــــــالي وارمي الواقع وراي!!..
اوجدك مابيني وبيني !! واسولفلك واشب...
... ليله حضورك قصايد تشتكيلك من عناي...
آآه لا منه بزغ فجر الحقيقه وانسحب...
...طيفك اللي ساكن عيوني وضاقت بي سماي...
وقتها ليتك تحس شعور من ( حظه ضرب...
... اخر اماله بعرض الهم ) والوحده مداي...
اكتشف وشلون يموت الصوت برماح الطرب؟؟...
...لحظة جيت اتغنابك وعاندي غناي!!...
واكتشف كيف السهل فجأه يتحول لي صعب...
...لا نويت ابكيك ثم ازريت القابي بكاي...
( اقسم بربي وربك ) فيني احساس غصب...
... كل كلي في غيابك ينجذب لك هناي...
ما نسيتك لو نسى التاريخ امجاد العرب...
...وما تركتك الا بين ضلوع صدري وبحشاي...
لانك اكبر من غلا الشاعر لاخر ما كتب...!!
...ولانك اقرب لي من سكوتي اذا عانق شفاي..!!
ولانك اول من تمكن بي وعلمني احب ...
.... ولانك الشخص الوحيد اللي يجي في مستواي...
صا"حبي" جمـّع كلامك ثم بعثرني عتب...
....والله ان كل شي عادي لا غدى منك وجاي..!!



من روائع .. محمد جارالله السهلي

لكم مني .. ارقى التحايا \ منى أنـــــــــــا هنايا

* جمرة مطير *

كبريآء جبلـــي