ياكامل الزين حبك باريـن حالـي
غيبتك طالت ولدري وش سبايبها
ياصبر صبري على فرقاك يالغالي
من يوم الاقدار قفتبـك مراكبهـا
مايشغل البال في حلـي وترحالـي
إلا طيوفـك تعاتبنـي وعاتبـهـا
لاناحن الورق جابنك علـى بالـي
ومع نسمة الغرب لاهبت هبايبهـا
غيبتك عني سنه ياطيـب الفالـي
ولقياك ساعه ويامسرع عقاربهـا
من كاس حبك شربت المر والحالي
وعدود الايام ماتصفـي مشاربهـا
بنات فكري تجي رجلـي وخيالـي
لاصارت ابيات شعري فيك كاتبها
ياعين حرً رقـا بالماكـر العالـي
والخد برقً تبسم له جبـال أبهـا
شبيت نـارً بقلبـي مالهـا تالـي
وصدك وهجرك يزود في مشاهبها
ياعاذل الحب خل القيـل والقالـي
خل الحبايب تجمع مـع حبايبهـا
|