يا جواهر هاجسي يا ماكر جزال المعاني = يطرب الخفاق في بدع الطواريق الجزيله
وردة عقب الظمى وردت ووردها لساني = مانوردها على بيوتن معانيها هزيله
جبت جزلات البيوت وجيت والماقف دعاني = مايشيل الحمله الا شعيل شيال الثقيله
عند ربعن فعلهم معروف مع قاصي وداني = فالكرم والطيب ولا للرمك فعل الكحيله
عزوتي مطير مزبان الجلا طوال اليماني = الحرار الي مواكرها على روس الطويله
كم هنوف(ن) فرجو عن غمها فماضي الزماني = فالمشوك والسيوف الحدب مع خشم الفتيله
قدم شيخ (ن) ماجهلته فالخفيه والبياني = الدويش الي مسمى عز منهو يلتجيله
فزعتن
لمطير جينا بالدقايق والثواني = بشر البستان فالمليون وروز امديله
شاعر(ن) لامن تغنا تعجبك حلو الاغاني = من ابو جوخة ورث شعره عسى الجنة حصيله
شاعر(ن) عالي مقامه معتلي مثل الايماني = ياعميل القاف يوم القاف ماغيرك عميله
ابشر ابشر والعشر من شانك تعود ثماني = اشهد ان مطير يالخس مابها كف(ن) بخيله
دامها برسالة الجوال خذها من لساني = انت مندون الرسايل شاعر(ن) مافيك حيله
جيت امثل عزوتي وصخر حروف المعاني = عزوة الجبلان والجبلان بالظلامه دليله