صح السانك ياابن معرقب ملايين ... مبدع وممتع بكل حالاتك ....
شرف كبير لي اني اضم ابياتي مع ابياتك في نظم القصيده ...
7
7
7
ارقصي مع نبض قلبي والقصيد=داعبي بحر الشعر قبـل الرقـاد
يامراد القلب00يالعشق العنيـد=غطرسي بي ثم تمادي بالعنـاد
اعشقك وازداد حبك والرصيد=في بنوك القلب يكبرلك وزاد
ياغرامن قيد الخفاق قيد=واستزاد بعنفوانه باجتهاد
موغريبة لو اسرتيني بكيد=انتي اجمل كيد للمرأه وكاد
من يقول الشوق لوصالك بليد=عمْر نار الشوق ماتصبح رماد
لا ضوى برق المشاعرمن بعيد =سلهم الرمش المكحل بالسواد
ودام نبض الشوق بغيابك يزيـد=ماشكيت الصبر لـو طـال البعـاد
ياعقيد الريم .. يالحسن الفريد=في خفوقي دفْوَة احساس و وداد
اسكني مابين نبضه والوريد=واعتلي عرش الغلا فوق العباد
.