ياللي دخلت السووق وقف بحاكيـك=وش ذا العيون اللي تسوي سوايـا
كهربتنـي بالعيـن الله يجـازيـك=نظرات شلت في ضميـري خلايـا
لولا فيوزٍ وسـط قلبـي توماتيـك=ماكان عيّـن مـن فـؤادي بقايـا
يفصل الا من شاف هذي وهاذيـك=صادف مواقف من بنـات القرايـا
قالت تحمـد يـوم ربـي منجيـك=ولا توقـف فـي طريـق الصبايـا
قلت الصبايـا والمزاييـن تفديـك=ماشفت عينك فـي جميـع البرايـا
قالت هذي عيني عسى الله يقويـك=وشلون لو بتشوف باقـي المزايـا
لكن مادامك مومن القلـب بسويـك=رح في طريقـك والنوايـا مطايـا
والا ترى بتعبـك واعلـن تحديـك=واشـوف قلبـك بيتحمـل حلايـا
قلت اسمعي:وان فزت..قالت: بكافيك=على حسابـي مـن محـل الهدايـا
بس انتظر لحظه بسيطـه وارويـك=ثم اظهـرت ثغـرٍ زهتـه الثنايـا
قلت انتبـه ياقلـب منهـا توطيـك=واسمع صداه يصيح خلف الحنايـا
ثم انفجر جـد الفيـوز التوماتيـك=واقفت وانا اجمـع بقايـا الشظايـا

الموضوع الأصلي: [ يآلي دخلتً آلسوق وقف بحآكيكـ ] || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::