تطرش وتفقدك القبيله اليا ابطيت=تفقد جنابك يوم قلبك فقدها
وغيرك يغيب اسبوع وانسجله ميت=مايفقده كود العجوز وولدها
مطير تنشد يابوتركي اليا اقفيت=وان جيت عشاق الجزيله قصدها
والشرف
والصمان والضلع والبيت=واصبور ابو سبعه تباطت وعدها
ياطيب المنسب وياطيب الصيت=فيك المدايح مايوقف عددها
لو النوادر في غيابك مفاليت=تكفخ مواميها وتلطم بيدها
اعيال ماجد لو مدحت وتقصيت=تقصر بيوتي بالحرار وهددها
ساس الفخر نسل الرجال العناتيت=مال البيوت الا قوايم عمدها
يالهيلعي يامثبت الطلع تثبيت=هاذي تشقلبها وذيك تهبدها
اشهر بجنحانك على ماتمنيت=وأرق الثريا والكواكب بعدها
من جرب النادر يعاف الحتاحيت=والشبل يطلع من مجاذب اسدها