بان نور الشمس مع نور القمر = والسحابه فوق في موضع خطير
وجو بالي تو ما اظنه سكر = والسماء فوقي بها عشرين طير
جاني المزيون لاقي له عذر = قال سامحني يبو قلبن كبير
قلت تو الناس ياحبي تمر = انتهى حبك بعد فوح العبير
بعد ماكنت انت عيني والنظر = كل ماتامر على حاجه تصير
انت قلبي وانت روحي والعمر = وانت كلي ياعسى كلك بخير
انتهى حبك يابو قلبن خضر = وصرت في دنياي ماقبل الاخير
قلبي اللي شال همن مع كدر = فوق همه شال همك يالنظير
مادريت انك تخونيني غدر = اثر قلبك قاسين صوبي عسير
شب قلبي شب نيران وجمر = من سواتك جعل طيرك مايطير
والصبر ماعندنا غير الصبر = من صحيبن كل يومن شكل غير
يالله المعبود ترزقني مطر = تطفي النيران في قلبن صغير

الموضوع الأصلي: جــ،ـديــ,ــ,ــد / الصبر ماعندنا غير الصبر ..! || الكاتب: " فهد الجبلي " || المصدر: منتدى الجبلان الرسمي

المصدر: ::منتدى الجبلان الرسمي::