رجلي تصد يمين لين تحنجبي = يم الفريق اللي ورى قوم غازي
ياصاحبي دور مكان ولجبي = لو كان من بين النهود النوازي
( الخس)
ــــــــــــــــــــــــــــــــــــــــــــــــــ ـــ
لو ان قولة اح تبري المجرح = لكثرت من قول اح وابريت روحي
مير ان قولة اح مالي بها صح = زودن على مابي تجدد جروحي
شفته نهار العيد يرقص ويلفح = العين خرسا والمبسم ذبوحي
وتوي دريت انه لفرقاي يفرح = اثره يبي غيري وانا اتعبت روحي
( النصافي )
ــــــــــــــــــــــــــــــــــــــــــــــــــ ــــــــ
له صورتن سبحان من صور بها اعجازه = لو هي تماري ملوك الزين تعجزها
تو صغيرن على درب الهوى طازه = كلمة حبيبي على صدره مطرزها
( ترانيم )
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|