[*]بسسسسسسسم الله الرحمن الرحيم
[*]قصيده تركي2000 في برنامج شآعر المليون الاخيره في الملك عبدالعزيز ال سعود طيب الله ثرااه
[*]انزلو تحت[*]7[*]7[*]7





[*]يافالق الصبـح يامولـج نهـارك بليـل[*]ياجامع الناس في يوم البعث و النشـور
[*]عليك كل إتكالـي وأنـت نعـم الوكيـل[*]يا عالـم بالمصيـر و ماتكـن الصـدور
[*]يالله يالله تهديـنـي ســواء السبـيـل[*]و تعصم لساني عن الزله وعن كـل زور
[*]الشعر موقف وحده مثـل حـد الصقيـل[*]لو كان كتله من احساس البشر والشعور
[*]ياما رقابـي ورقيتـه بـراس الطويـل[*]وياما سبح بي بحور وغصت به في بحور
[*]وانا ليا حـان ميقافـي قبسـت الفتيـل[*]و اوقدت من نار فكري للمسافـات نـور
[*]واليوم لاهنت ياشعـري مايخـدم بخيـل[*]مـادام سلحتـك الافكـار مانـت معـذور
[*]قدمك من العز مايروي ظمـا كـل جيـل[*]سوالفه تزرع الامجـاد فـي كـل بـور
[*]وقدمك لميع الهنـادي والقنـا والصقيـل[*]وقدمك من المجد ماترويه كـل العصـور
[*]مسافتـه عـز ماتنقـاس كيلـو وميـل[*]بركانهـا ماخمـد وامجادهـا ماتـبـور
[*]ياموكب الشعر وقف واستمع لـي قليـل[*]حتى اني اعطيك للتاريخ رخصـة عبـور
[*]سيـرة بطـل ماتغيبهـا حكايـة رحيـل[*]تبقى بوجه الزمن كالنحت فوق الصخـور
[*]ماكانت ارض الجزيرة قبـل ذاك الاصيـل[*]إلاتفكـك عقيـدة وانـحـدار ودبــور
[*]نهارهـا كـم قتيـل وليلهـا كـم قتيـل[*]جنايـزٍ مالهافـوق البسيـطـة قـبـور
[*]قويهم سلطتـه تسلـب حقـوق الذليـل[*]وشيطانهم ساد والظلم انتشـر والفجـور
[*]وكلٍ لخصمه من اصناف العـداوة يكيـل[*]وصدورهم من جهلهم فالمعاصـي تفـور
[*]مال الاْمـن شجـرةٍ فيهـا مقـر ومقيـل[*]ولابينهم للمودة فـي الجزيـرة جسـور
[*]هذا قبل هيـت تخطيهـا عيـون الدليـل[*]وهذاقبل سطوة القرم العـزوم الصبـور
[*]النادر اللي على العارض يهيـم ويخيـل[*]من يوم عمره عشر شوره غلب كل شور
[*]من قو باسه صنع ممكن مـن المستحيـل[*]ومن طيب راسه يحـل معقـدات الامـور
[*]زهابه الصدق والاخلاص حمـل الصميـل[*]وسلاحه الدين والتقـوى سـلاح الغيـور
[*]جمَع شتات القبايل ليـن صـارو فصيـل[*]واخوان عقب التناحر والجفـا والشـرور
[*]وحكم بشرع الكتاب اللي ماغيـره بديـل[*]وعم الفرح فالبلاد وسـاد كـل السـرور
[*]لامـال ميـزان غيـره مايحيـد ويميـل[*]في سطوته ينكسر راس الجهل والغـرور
[*]شخصيته مالها فـي كـل جيلـه مثيـل[*]تجف الاقلام وبمدحـه تضيـق السطـور
[*]والله ليبطن ماجابـن ناقضـات الجديـل[*]مثله ولااقول في كـل النشامـى قصـور
[*]ويالله يامستجـيـب للـدعـاء ياجلـيـل[*]من عبدك اللي لك مطيع وذليـل وشكـور
[*]ترسل على قبر ابو تركي صدوق المخيل[*]وسمٍ يساقيه من غـر السحـاب البكـور
[*]وتهـل فوقـه بسيـل مايلاديـه سـيـل[*]وترحم عظامـه وتغفـر زلتـه ياغفـور
[*]وتجمع به المصطفى في جنتـك والخليـل[*]وتحفظ عياله مواكير الحـرار الصقـور
[*]وإنك تجمـل وتهدينـي سـواء السبيـل[*]وتعصم لساني عن الزله وعن كـل زورٍِِ




[*]ولاتنسون التصوييت لشاعرنا يالربع[/list]