مابينا شكه ولا بيننا خلاف=مابينا شكات ولا iاختلافي
وعين(ن) فراشلك وعين(ن) لك لحاف=وعين(ن) فراشلك وعين(ن) iiلحافي
ماطاف طاف وصعب ترجيع ماiطاف=ولاهي معك هذي نهاية مطافي
حنا على وضحى النقي مالنا اهداف=على المروه بينا والتصافي
ولاخايف(ن) مني وانا منك ما اخاف=ومافيه داعي من بعضنا نخافي
وخل الجواب القاصر المعرفه حاف=ولاتقرب الرمضا لاصرت حافي
وحاول تشد شوي لاتصير معطاف=يدخلك سحر العطف والانعطافي
وارسم خططها لاتخطف اتخطاف=ماتنولها بالخطف والاختطافي
افطن ترى بعض(ن) من الرزق ينعاف=من واحد(ن) يمرضك وانت متعافي
وبعض العرب هماز لماز حلاف=ولاهو شريف ولابنفسه عفافي
وبعض العرب طيب وهو نوب شطاف=وتقول يصفي مير ماهو بصافي
وبعض العرب يخدعك بالهرج بلاف=يخذ منك قصده وهو مايكافي
وبعض العرب لازم تدفه بدفاف=او معك يبرد بعد ماهوiبدافي
ولاتطيح في ورطه ولايجيبكiاكتاف=الا غرور (ن)منك والا iانجرافي
وشي يلف وشي ماله اتلفلاف=(ليفلصت ميفيد فيها الفافي)
ولاتقرب اللي في ردى القول مزهاف=ومع السنافيين خلك سنافي
وخلك لصراف السواليف صراف=وان طال صرفه صرفه بنصرافي
ولاتنخدع بمنيف ولا بنواف=ولاتخدعك ضحكات ملفي iولافي
وانا معي شعري يجي طوع وكتاف=وعلي ترجع شاردات القوافي
بيوت الشعر تأتيني اضعاف(ن) اضعاف=وبيني وبين الشعر مابه اخلافي
اصوغها صوغ الذهب عند صراف= ومن مدرسة مرشد وصقر iالنصافي

الموضوع الأصلي: ((ديوان))عبد الله باتل الرشيدي || الكاتب: أبومحمد || المصدر: منتدى الجبلان الرسمي

المصدر: ::منتدى الجبلان الرسمي::