ديــمــة غــلا





الماسه اللي صادقه فـي وعدهـا
لو شفتها نسيت كـل معجبينـك
الغاده اللي مترفـه فـي رغدهـا
مهرة هوى بالك وزهرة سنينـك
لو شفتها حرّمت تنظـر بعدهـا
أما علـى يسـراك وإلا يمينـك
قطعه من البلور صورة جسدهـا
في نحرها تشوف صورة جبينـك
مثل السحاب يوم مقبـل رعدهـا
شموخها الطاغي يزعزع كنينـك
من ليلها المرجود لابيض بردهـا
خيال يسكن بين نفسـك وبينـك
ديمة غلا تسقي الفـؤاد بمددهـا
ونظراتها الخجلا تبعثـر حنينـك
العاليه صعبٍ على مـن صعدهـا
ترومها ؟ لكـن قصيـره يدينـك
ماهي قريبه من بقاهـا وجدهـا
يابعدهـا والله عـن عاذليـنـك
من صوتها المبحوح ..لفلة جعدها
أكبر كثير اللـي تشوفـه بعينـك
الماسه اللي صادقه فـي وعدهـا
مهرة هوى بالك وزهرة سنينـك



قصيدة الشاعر:صالح ابن سمره المطيري

الموضوع الأصلي: لو شفتها حرّمت تنظر بعدها *** أما على يسارك إلا على يمينك || الكاتب: الرحـــال || المصدر: منتدى الجبلان الرسمي

المصدر: ::منتدى الجبلان الرسمي::