اذكر يومي صغيره وبايام الطفـــــــوله= كنت طفله بامور الشيخه والرجال مفتونه..
كنت العب عند ابوي والرجاجيل حوله= وافرح لاخـــــــذت شئ الرجــال يملكونه..
كنت اخذ بشت ابوي وعقاله والبس نعوله= واتخـــــيل قصــــص غـــــريبه ومـجنونه..
اتخيل نفسي شيخة القبيله وساس الرجوله= واقلد ابوي بهرجته وضحكته ونظرة عيونه
وبمشيتــــه وهيبـــــته وحتى بزولـــــــــــــه= واهلـــي وارحـــــــب بالرجال اللي يجـــوونه..
واحفــظ كل كلام ابوي وشعــــره وقـــــوله=واتفنــــن على البنــــات بشــــئ مايعــــرفونه..
كنت ابي جيب ابوي اخذبــــه لفـــه وجوله= وافرح لياركبته وحطي ايــــدي على دركسونه..
وانزل مسرعه لاسمعت خطوت ابوي برجوله=وازعل ليــــا شفـــت جيبنا به رجالـــن يركبونه..
صحيح كنت طفله قـــــويه بس والله خــــجوله=مقــــدر اقــــول لـــرجال جيبـــــنا لاتلمســــوونه..
وازعــل واتضـــايق ومــارضى بســــــــهوله=بس افرح ليا شفت بسمةابوي وصــــفت ســـنونه..
واكابر على ابوي واسوي نفسي زعـــــــولة=وماارضـــــى الا ان مطلـــــــــبي ينـــــفذوونــــــــه...
الله على ايامن اخذت بهــا دور البطولـــــــــه=هذاكــ وقت وراح يعـــــــل غيـــــــري يذكـــــــرونه