ريجيل لا والله ولاهم رياجيل !!! مساجله بين زياد الشطيطي و شليويح الميزاني

ريجيل لا والله ولاهم رياجيل !!! مساجله بين زياد الشطيطي و شليويح الميزاني

زياد الشطيطي

الليل يا شليويح لا تسري الليل = ما فالمساري غير زود الندامه
ماهو خطر من ناقلين المصاقيل = ولا يابن عمي مقابل ضلامه
لاشك وانته من رجالٍ حلاحيل = اللي خذو فالمجد ذروة سنامه
لاكن دوك العلم دقه وتفصيل = اسمع كلام اللي يثبت كلامه
البارحه فالسوق عجلان بالحيل = قضاي لازم رغم كرهي عسامه
شافت عيوني واكتفت بالبهاذيل = ولاني بملحق شوف عيني ملامه
ريجيل لا والله ولاهم رياجيل = جنسٍ جديد النوع وانت بكرامه
عليه وصف من العذارى دواليل = راح الشنب مع درب طش العمامه
لو يستتر في لبس سود المراييل = اخير من بنطال مرخي حزامه
سماعته فالاذن فاليد منديل =وللي يسلم ما يثني سلامه
هذا شباب الجيل !! يا فزعة الجيل = ماعاد نبغى منه غير السلامه
ولا العذارى لابساتٍ بناطيل = والوجه نصه مكتسي باللثامه
يا كثر ما فالسوق منهن مداهيل = ولكل طرقي مر يلقى مرامه
ذلي مدابيرٍ وذلي مقابيل = والرجل ما يلقى ببيته طعامه
جوال مع سواق والهرج بأيميل = ولا ترانا للتخلف علامه
حرية المرأه وعنها ياكم قيل = فأعلامنا اللي صار مدري علامه
افكار خبثٍ تنزرع والمحاصيل = حصد الحيا والدين يعلن هدامه
ما قل دل وبينته التماثيل = والشرع ميّز فالحلال وحرامه
رجلٍ بلا غيره عساه الغرابيل = في دنيته قدام يوم القيامه

رد الشاعر / شليويح الميزاني

لي هاجسٍ لامن لفته المراسيل = ما دس راسه مثل راس النعامه
لا والله الا مثل برق المخاييل = لاهل هماله غمامه غمامه
يامرحبا ترحيبة الحط والشيل = مضمونها التقدير والابتسامه
بالشاعر اللي كنه الجدي وسهيل = من روس قومٍ ما تجيب الهلامه
الوضع يابن العم يحتاج تحليل = وانته فهيم ولا انت ناقص فهامه
الاوله مالي علاكم مداخيل = انا الرفيق اللي نظامك نظامه
كد شفت لي رجلٍ رموشه مضاليل = ما تفرقه لامن ضحك عن مدامه
واضع على وجهه جميع المحاليل = ومن الدلع يمشي سوات الحمامه
يسهر مع دلامه كمنجا وتطبيل = وابو دلامه مادرى عن دلامه
ياليت ربي يرسل طيور ابابيل = وكلٍ مع الثاني تخالط عضامه
والثانيه يا زياد تحتاج تفصيل = تفصيل خامه عند خياط خامه
رجلٍ يبا ينصح رجالٍ مهابيل = مثل الذي يحرم بليا حرامه
مالله موكلنا على الناس توكيل = في وقتنا اللي ما بقابه شهامه
ما دامنا نمشي عل وحي جبريل = والروس ما جاها الجهل و الرخامه
روح وتسوّق والدعاوي تساهيل = وتشوف زرقا غير زرقاء اليمامه
تجرف بها الموضه كما جرفت السيل = هذا هي اخر مانتجه الدرامه
ويا راس قسمك غير عن قسمة الذيل = يعيش رجلٍ ما ينقص مقامه

الموضوع الأصلي: ريجيل لا والله ولاهم رياجيل !!! مساجله بين زياد الشطيطي و شليويح الميزاني || الكاتب: زياد المزرمي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله الله

صح لسانك يازياد وصح لسان الميزاني


ساجلة شعرية رائعة, وتناقش قضايا موجودة بالمجتمع


رغم ان بعض من الشعراء حينما يذهب الى الأسواق في قصائده فإنه سيقوم بوصف عيونها وخصرها وردفها
وسيتحدث عما حدث له من العشق

الا ان أكثر مايعجبني في زياد الشطيطي هو ترفعه عن تلك الأمور,وتعففه عن ذلك. فهو بعكس ذلك يناقش هذه القضايا, ومتضجر من ممن يقومون باللبس الفاتن او اللبس المنبوذ. وهذه الخصلة محسوبة في رصيد الشاعر.


بارك الله فيك اخي زياد , وأكثر من أمثالك.

وصح لسااااااانك مليون ان والميزاني مرة اخرى وفي كل مرة.

صح لساااااان الشعااار

وبيض الله وجيهكم

ولاهننننننت زياااد والله يعطيك العافيه

صح لسااااااااانك ملاااااايييين يا زياد انت وشليويح

مساجله راااائعه بروعة شعرائها

بيض الله وجيهكم والله يكثر من أمثالكم

لاهنتم

.



.


يا سلام يا سلام , ,



صح السانك يا زيٌاد شاعر كفو ,, ولا يهون الميزاني



صوت وصدى ,, ومناقشه جاده


لاهنتوا يالربع


ولا تحرمونا الجديد





اخوك

الله الله
صح لسانك يا زياد وصح لسان الميزاني
مساجله رائعه ومناقشه أروع
لاهنتم

لاهنت يازياد وصح لسانك وبيض الله وجهك وصح لسان الميزاني

كلكم كفوووووو ولاإنتوقع الا الجزاله من الجزلين الله يعطيكم العافيه.

بعيد الهقاوي


صح بدنك يا سنايدي


ومشكور على المرور العطر والاطراء الذي اخجلني فأنا شاعر كأي شاعر تتحرك قريحته


لاكن هذا ما اعتدناه منك يابو عوض تثني علينا من اجل ان نتحفز ونتقدم الى ما يرضي الله ويرضي


مشاعر الاخرين فلك جزيل الشكر مره اخرى على الاطراء الجميل


تحياتي

فهد اللويمي




صح بدنك يا سنايدي




ومشكور على المرور الراقي




تقبل خالص تحياتي

صــــــــــح السنتكم

مساجله كايفه من شعار لهم بصمه فالجزاله !!!