ورآكب انا ويآه ددســن غماره .... !

ورآكب انا ويآه ددســن غماره .... !

سلام عليكم

:> ماحب اطول عليكم

اخليكم مع القصيده

الباااارحه من لجة القلب ما امسيت=والنوم عن عيني محـزّمّ قشـاره
من كثر همي والهواجيس مليـت=وداج الفكر مابيـن تـاره وتـاره
لا ياغصون المال ياليـت ياليـت=يدني علي عودك وانا اقطف ثماره
واقول للحـظ الـردي ول وليـت=لا رحم ابو حظ ٍ يطـول انتظـاره
وابـدل الغتـره بقصـه تواليـت=وازحّف المرسدس في كل حـاره
ولا اصيف غير في يونت ستيـت=وباريس لاجيتـه ينـوّر مطـاره
والقا طرب قلبي عقب ما تعنيـت=وارشح اسمي في سجل التجـاره
والناس حولي تتبع المال والصيت=واللي معاه ريـال يكبـر وقـاره
حتى ولو يخطي يقولـون اقديـت=ومثلـك يقدينـا ونتبـع مسـاره
هذي الاماني كان لـي ماتمنيـت=والا الحقيقـه ذابحتنـي القشـاره
عزاااه يا وقت الشقا ويش سويت=لاقلـت زان الحـظ ثـوّر غبـاره
مابين هم الدين والفقـر صديـت=واتبعت حربك لي ثمانيـن غـاره
وانا على حربك صملت وتعزويت=لو ان كسر الظهر مالـه جبـاره
لعيون من حبه بنا فالحشـا بيـت=وتل الفواد وشـب فالقلـب نـاره
الغالي اللي شتت القلـب تشتيـت=مابين صده والوصـل والزيـاره
من اولٍ لا شفـت زولـه تغليـت=واليوم اجي سوره واقبـل جـداره
تبكي على الاطلال وتقول حنيـت=والدمع من عيني يزيـد انحـداره
لكن علي رفقـه وديـن وتثابيـت=ومادام في راسي جمـوح ونعـاره
اني لاجي له رغم انف الطواغيت=لوهـو بعيـد ونازحاتـن ديـاره
واقول للحـظ الـردي ول وليـت=لا رحم ابو صبر ٍ يطول انتظـاره
وابدّل القصـه بغتـره وجاكيـت=واركب انا ويـاه ددسـن غمـاره

الموضوع الأصلي: ورآكب انا ويآه ددســن غماره .... ! || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

اخووي ,, سعود

الله الله قصيده جزله ورائعه .. سلمت يمينك عليها وصح السان شاعرها

تقبل مروري

صح بدنتسـ

لاهنتي علي مرورج الكريم


تحياتي لتس

وعليكم السلام
صـــــح لسانكـ
ولــــــــسان الشاعر .......

صح بدنك


لاخلا ولاعدم ياسعود

تسلم علي مرورك