حدث (الجبـلان) مع (الظفير)

اشكرك اخوووي الملسوون على ردك ،،



النوون بدال لا اقوولك مثــــلا ََ اقول مثل(ن)




تحياتي وانشالله اكون وضحت لك

اهــــا وضحــت الحين

اشكرك على التووضيح

العفوووو ونورت الموضوووع

اشكرك اخوى بدر على جهودك الطيبه وصح السان الشاعر بن غيام ..


اسمحلي اخوى بدر بتكمله هذا الحدث .. غزا ابن سويط على الجبلان بعد هذا الحدث وكان الشاعر حمد بن وازع الجبلي موجود فى قبيله الظفير ولم يرحل مع أبناء عمومته......وبعد عوده ابن سويط طلب احضار الشاعر حمد بن وازع الجبلي وعند حضور ابن وازع الى مجلس ابن سويط ....قاله ابن سويط .. ماذا قلت فى غزوتنا !؟؟؟ وانت تراك في وجهي ........


قال الشاعر حمد بن وازع الجبلي ...

علم لفاني شـوش الـراس تشويـش= ربع بقلبـي عقـب ماهـو سنـاوي
يوم السويط استفـزع بأهـل الهيـش=ولموو بني خالـد وكـل الشـواوي
راحـو يدقـون الغبـا والنشانـيـش= يبـا يجيبـون الغـنـم والقـهـاوي
جوهم بني عمـي بعلـط ومراييـش=حامـوا عليهـم معطبيـن الأهـاوي
وحالوا على الصابور والخيل والجيش=واعذر من الشيخه كبيـر العـزاوي

وقال ابن سويط للشاعر حمد بن وازع الجبلي...... عزالله ما قلت الا الصحيح ..



ودمت بكل الخير والمحبه

اشكرك اخوي مشاري على التكمله ،، ويعطيك العافيه ومسمووح



اشكرك مره اخرى ،،،


بدر الجبلي

السلام عليكم ورحمة الله وبركاته

يعطيكم العافيه

اخوي هاذا يسمونه كون الدعيله بين الجبلان والظفير
الدعيله فرس بن غيام الي ذبحها بن سويط بهالكون

ؤفيه بيتين مهم من القصيده قصيده اخرى تختلف

يقولك الاعنه كانوا نازلين بمكان وطولوا بالاقامه وقد اشار عليهم الشاعر بن غيام
بانهم يشدون ويغيرون مكانهم ولكنهم رفضوا ؤشد بن غيام لحاله
ؤقال هالقصيده يخاطب فيها ذلوله

يافاطري يوم البدوا قوم لبدان : انا بشيرك بالسعد وتبعيني
اما نحولبك على جو عرفان : ولا نتحدربك على الكمعتيني

جو عرفان والكمعتين : هاذي اماكن
قوم لبدان : يخاطب جماعته انهم طولوا بالاقامه ليستحثهم على الشديد

ؤيامال العافيه اخوي بدر

فمان الله

اخ دمي ،، اشكرك على تفاعلك ،،


لكن اريد مصدرك ؟ من اين !

اخ بن قريان ،، ترتيب بالقصيده كيف ؟



<< المصدر موجود


سلام

ماقصرت يابدر ويعطيك العافيه

الله يعافيك وشكرا على مرورك