( خيانه ) .. عنوان لقصيدة بمنتهى القسوة ...

( خيانه ) .. عنوان لقصيدة بمنتهى القسوة ...

لا ردك الله لا ولا اطلب تردين=ادعي عليك بعثرة فـي iiصلاتـي
عثره تشلك ما بعدها iiتقوميـن=يا قاتلتني يوم صرتي iiحياتــي
خدان لك بالقلب كانت بساتين=وريضان وغصونا بها يانعاتـي
كنتي مناة القلب والروح iiوالعين=واليوم عينك يعلها ما iiتباتـــي
كنت أحسبك للعهد والحب توفين=قلتي الغدر بالحب ماهي بسواتي
وحلفتي يمين الله ما منك iiاثنتين=وانك ملاك دون كل iiالبناتـــي
وانك على عهد المودة تسيرين=ولا تسمعين أهل الحسد iiوالوشاتي
وصار اليمين ستار خلفه توارين=ورماح غدرك بالخفا مشرعاتـي
وبان الغدر سم جرى بالشرايين=الله عسى يسقيك سم الفعاتـــي
كلي سقيتك حب واليوم iiتنسيـن=تقولين حلم ايام واليوم iiفاتـــي
خذتي الهوى لعبه على ما iiتحبين=لين عصفت بالهوى عاصفاتـي
من زينك يا بنت بالشعر تزيين=من صورك بابياته iiالطايلاتــي
انا من غرامي قلت كانك تذكرين=قلت الخجل صاب البدر من مناتي
وصرتي بشعري في العذاري iiتباهين=تقولين انا شمس العصر في حلاتي
زينتك بشعري ولا غربك الزين=ما زانتك صبغات حمر iiالشفاتــي
صورتك بالشعر حزام iiورياحين=واثرك هضاب وشوك ما به هداتي
رسمتك سحابه خير قطر تنفين=فزت لك الصحراء زهور ونباتـي
رسمتك مهاه للجميله تقودين=واثرك قطيعه وضيعتها الرعاتي
واثرك غراب يوم سدل الجناحين=كنت احسب اني شايف لي قطاتي
بالشعر غليتك على كل غاليين=واثرك دنيه وتعشقين iiالدناتــي
وبالشعر عاتبتك عتاب iiالمحبين=انا من يسوم الروح لك يا غناتي
توسلت لك خايف على حب عامين=عامين لكن في حسابي iiمئاتــي
ناديت لكن لي ابد ما iiتسمعين=عمري وروحي فكري في iiثباتي
حذراك للشينات عمري تماشين=عديمات اصل اخلاقهن iiدانياتي
غاب الولي عنهن ولعبن iiبحبلين=يا خس واليهن وخس الولاتي
ما همهن في الناس زين ولا شين=وقلوبهن من حقدهن مظلماتي
وقلتي وربك لو يكونا iiملايين=ما غيرن بالطباعهن من سماتي
تحسبين انك بالمهافه ترقين=كيف الصعود يكون iiللهاوياتي
وخنتي وبعتي كل عهد وايامين=ما عاد يفرق بين ماضي iiواتي
وصرتي مثل غيرك برخص تبيعين=يا مرخصتني ما بقى لك iiغلاتي
صبري نفذ واليوم ثارت براكين=مظلوم انا وباكر تحل iiادعواتي
سمعي عسى من بعدها ما iiتسمعين=سمعي دعا من صار قلبه حصاتي
ادعي عسى من ناضرك ما تشوفين=وتطحن بك الايام طحن الرحاتي
وعساك عوق منه ما عاد iiتبرين=عوق تشافق له قلوب العداتي
ويالله عسى يحتار فيك iiالمداوين=تبين الممات ولا يجيك المماتي
ويالله عسى كف الندامه iiتعضين=تندمين يوم انه يفوت الفواتي
وتبكين دم يسيل من مقلة العين=وتحتار امك عن عناك iiوتحاتي
عسى ما تلاقي من له القلب iiتهدين=وان هو حصل ادعي عساك iiالشتاتي
يا بلوة اللي وسط بيته iiتعيشين=ساهي وحوله شب جمر الغضاتي
عسى بعمرك ساعه ما iiتهنين=وتمضي حياتك بين هم وشقاتي
يا بنت قلبي وين مثله تلاقين=قلبا عطاك الحب ما قال هاتي
جيتك وروحي شلتها لك iiبكفين=وفي التاليه رمح الخيانه iiجزاتي
يالله عساك النار يا أم وجهين=كله انكشف لا ما تفيد العباتي
ويالله عسى تلبسك جن iiوشياطين=وتكونين مدعاة الحكي iiوالشماتي
يا حية رقطا تقود الثعابين=باكر تحن ايامك iiالمعتماتي
وباكر على فعلك بمثله تجازين=ظلم المشاعر ما تحكمه iiقضاتي
بيني وبينك تحكم ايام iiوسنين=وانا شاهدي قلبا من الغدر iiماتي
ويا دمعة التمساح لالا تذرفين=العيون رغم ادموعها iiكاذباتي
لا ما عرفتي الحب لا ما تحسين=وغدرك تعدى غدر ذيب iiالفلاتي
الذيب يعوي قبل يغدر بمسكين=وانتي غدرتي خافقي في سباتي
لو كان غدرك في كفوف iiالموازين=لكان رجح كل غدر البناتي
انتي السبب سقتي على القلب جرحين=غدر الغرام وموجع الذكرياتي
وانتي السبب واليوم لالا iiتلومين=وان جاك باكر شوفي اشلون يأتي
والله لاكتب وافضحك في دواوين=وارقص واغني يوم خبر الوفاتي
وارسم لاهل العشق قلبا وسهمين=وقصة خيانه ما روتها الرواتي
ويمين لانشر فوق اسمك iiعناوين=واشهرك من قاصي اليمن iiللفراتي
ومن غرب هالدنيا الى قاصي iiالصين=ديوان غدر فيه كل اللغاتي
والبادي اظلم سنة العين بالعين=والا فذي لا عادتي ولا صفاتي
ويا شبه انسانه برأس iiورجلين=اعوذ بالرحمن منك iiبصلاتي

الموضوع الأصلي: ( خيانه ) .. عنوان لقصيدة بمنتهى القسوة ... || الكاتب: اخت القمر || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

القصيدة جميلة

لكن ان يدعي عليها هذا لا يجوز

الخيانة مؤلمة ولكن المسامح كريم

كيف سيتلذذ بموت حبيبته وكيف يتلذذ بآلآمها

ان كان يحب فسيسامح

هذه مداخلتي وارجوا تقبل مروري

يعطيج العافية قمورة

اختج / بنت مطير

بالفعل اختي العزيزة بنت مطير .. قصيدة تحمل بطياتها الكثير الكثير من الالم والقسوة .. ولكن اعتقد شاعرها قالها في لحظة غضب ...


شكرا لمرورك غاليتي .. ودمتي بود ...

هذااا شي يرروووع بصراااااحه

أول مره أشوف شعر كذااا
؟؟؟؟

الخيااانه قااتله قموووره وخاااصتا للرجل إستحااله يساامح؟؟
وإذا حب صادق؟وأعطى كل مالديه وتذلل لها؟؟
وبالنهااايه خيااانه؟؟؟
أكيد بينقلب هالحب للنقيييظ؟؟؟

مجرد رأيي
شكرا على هالشعر الجدييييد بالشكل
تقبلي مروري وتروعي؟؟؟؟؟
ههههههه

هههههههههههه حلوة يروع والله انا معاج صج يروع ومعقولة في ناس بهالقسوة ... الله يهديهم بس ..

غاليتي جمرة اشكرج على حضورج صفحتي ..


ودمت بود ..

خدان لـك بالقلـب كانـت بساتيـن وريضـان وغصونـا بهـا يانعاتـي
كنتي مناة القلب والـروح iiوالعيـن واليوم عينـك يعلهـا مـا iiتباتـي


اخت القمر

تسلمين على النقل الجميل الحزين المعبر

وارجو ان يكون هذا مصير كل من يخون ................. من الجنسين


ودمتي في مودة

اخوي سلطان الجبلي ..

اسعدني مرورك وهذا رأيك الشخصي وانا احترمه بس الله غفور رحيم ... واللي يخون منه لله ...

شكرا لمرورك ودمت بود

قصيدة محزنه اخت القمر وقاسيه
الله يكفينا الشر
بعض الشعر اجرام بحق النفس والغير
تقبلي ردي وودي

اشكرك اخوي سعود على مرورك

وانا معك بالقول ان بعض الشعر اجرام بحق النفس والغير ..

دمت بود

يسلمووووووو على النقل الجميل

تقبلي مروووري